Waewoyelo

◼ Ekanda wayotosha anto Ngɔndɔ ka Divwa: Ewo Katɔla Otsha lo Lɔsɛnɔ la Pondjo. Ngɔndɔ ka Dikumi: Tshoto y’Etangelo la Réveillez-vous ! Naka onto ambɛnya saki, nyu kokaka mbosha abɔnɛma. Ngɔndɔ ka Dikuni l’Ɔtɔi: Kakɔna Katɔlɔmba Nzambi? kana Ewo Katɔla Otsha lo Lɔsɛnɔ la Pondjo. Ngɔndɔ ka Dikumi l’Ahende: Ewo Katɔla Otsha lo Lɔsɛnɔ la Pondjo la Traduction du monde nouveau.

◼ Omendji-walɔmbɔla kana onto ɔmɔtshi layondɔsɔnɔla ayɛdika falanga y’etshumanelo Ngɔndɔ ka Divwa 1 kana l’ɔkɔngɔ wa lushi lɔsɔ kam’ayotanema etena. Naka wokoyelo wa falanga wambosalema ko vɔ ndjewoya etshumanelo lomingu layela.

◼ Wambokeketsha dikumanyi dia vɔ ndjela alako woshami lo Tshoto y’Etangelo ya Ngɔndɔ ka Nɛi 15 1991, lɛkɛ 21-23, lo kɛnɛ kendana l’onto tshɛ lakatshanyema kana lakayatondja ndamɛ oma l’etshumanelo laya la saki ka kawola.

◼ Naka olui w’anto 15 kana ndekana nangaka ndja ndjênda filialɛ yaki la Société, kete vɔ pombaka tokufundɛ biro ka Bɛtɛlɛ la ntondo. Nyewoya lofulo l’anto layoya, datɛ diayowoya kâmɛ ndo wonya. La ntondo ka vɔ ndja, nyovusole kiombo ya Ekadimwelo lo Wembola Anyu ya l’Olimu Aso wa Diolelo wa Ngɔndɔ ka Samalo 1998.

◼ Ase etshumanelo wambokondja anto walɔmba abɔnɛma kana wele l’anto walanga vusola abɔnɛma awɔ wa Tshoto y’Etangelo kana wa Réveillez-vous ! pombaka toma abɔnɛma ɛsɔ tshɛ kâmɛ ndo wawɔ vamɛ lo tshimbo y’etshumanelo.

◼ La Société hadje yimba lo kɔmandɛ y’ekanda y’opandjudi l’opandjudi. Omendji-walɔmbɔla ayɔlɔngɔsɔlaka dia vɔ mbishaka diewoyelo ngɔndɔ tshɛ la ntondo ka vɔ tomɛ la Société kɔmandɛ k’ekanda w’etshumanelo ka ngɔndɔ. Dikambo sɔ diayokimanyiya wanɛ tshɛ walanga monga l’ekanda awɔ vamɛ dia vɔ mbutɛ ɔnangɛso lenda akambo w’ekanda. Tanyohɛke dia ekɔ weho w’ekanda ɛmɔtshi walɔmbama paka lo yoho ya lânde.

◼ Nsanganya ya distrikɛ kana ya wedja efula ya l’ɔnɔnyi wa 1998 yaki l’ɔtɛ a dui ɔnɛ: “Mboka ka Nzambi ka Lɔsɛnɔ” yaki mɛtɛ tshondo y’ɔtshɔkɔ le ampokami tshɛ. L’atei awɔ mbaki ndo wa misiɔnɛrɛ 2764 l’ekambi wa lo wedja efula wanɛ wakakoke ntshɔ lo wedja awɔ diɛsɛ oma lo weshasha wakakimɔ tshumanelo. Takangɛnangɛna efula woho wakanyasukɛ yɛdikɔ shɔ. Oko wamboshila nsanganya shɔ, tambokamba l’akuta wotshikadi dia sukɛ olimu w’esambishelo wasalema l’andja w’otondo.

◼ Ekanda w’eyoyo watanema:

He Dja Yimba lo Prɔfɛsiya ka Danyɛlɛ! ​—⁠Lo Angɛlɛ, Falase, Lingala