Nsanganya y’olimu ya ngɔndɔ ka dikumi
Lomingu la ngɔndɔ ka dikumi 4
Taahe 10: Waewoyelo. Waewoyelo w’oma l’Olimu Aso wa Diolelo.
Taahe 17: “Ɔtɛkɛta wa Prɔfɛsiya Waki Nzambi Wayokotshama Tshɛ!” Sala mbɔtwɛlɔ kahakoke kanga yaahe ɔtɔi ko wɛ ndjêta lo wembola l’ekadimwelo. Tɛkɛta awui amɔtshi wa lo dibuku di’oyoyo wɛnya kitshimudi ya tena diaso nɛ.
Taahe 18: Onga Ɔngɛnyi wa Periodikɛ! Ewoya lofulo tshɛtshɛ la periodikɛ yakanyakahɛ anto ngɔndɔ ketshi l’etshumanelo kanyu. Kakɔna kayotɛna naka sho mbɛdika lofulo lɔsɔ la lɔnɛ lakalongola etshumanelo oma le la Société na? Ahombaso ntsha naka otshikitanu wekɔ l’asa lofulo lakakahanyema la lofulo lakatomama na? Lɔmba ampokami dia vɔ mbisha kɔmatɛrɛ l’awui wayela anɛ: (1) Opandjudi tshɛ la dia nɔmba ekanda kɛmɔtshi ka periodikɛ kakoka. (2) Mbɔsa Lushi la Samalo tshɛ oko Lushi la Periodikɛ. (3) Monga l’ekongelo kande hita k’olimu w’esambishelo mbidja ndo lushi lɔmɔtshi la kahanyaka periodikɛ ngɔndɔ tshɛ. (4) Mbɔsa yɛdikɔ ya sambishaka efula lo tshakitudi lo kamba la periodikɛ dia tatshiya sawo. (5) Sɔna asawo wa lânde wakoka ngɛnyangɛnya amindji w’ekanda kana ambewi wa mukanda. (6) Fundaka dimɛna lofulo la periodikɛ lashɛ anto, ndo onga la lofulo l’anto la kahɛka periodikɛ mbala la mbala ndo mbatɔlɛka numɛlɔ k’oyoyo tshɛ kambotomba. (7) Kamba dimɛna la numɛlɔ tshɛ ya periodikɛ y’edjedja di’aha yɔ ndjɔmɔta lo luudu. Ɛnya anto numɛlɔ y’eyoyo yambotomba ndo sɔna asawo wakoka kotola yambalo yawɔ. Sɔna opalanga la dikɛnda dimɔtshi dia vɔ mɛnya lo tshena pe woho wa mbisha anto periodikɛ.—Enda l’Olimu Aso wa Diolelo wa Ngɔndɔ ka Nɛi, 1999 lɛkɛ 7.
Osambu 105 ndo dɔmbɛlɔ dia ndjihelo.
Lomingu la ngɔndɔ ka dikumi 11
Osambu 194
Taahe 10: Waewoyelo. Alapɔlɔ wa falanga.
Taahe 15: Ehomba wa l’Etshumanelo.
Taahe 20: “Woho Wakokaso Ɔngɛnɔngɛnɔ Efula oma lo Nsanganya.” Wembola l’ekadimwelo. Shila bɛnyɛlɔ dimɔtshi di’eshika diɛnya woho wɔsaso nsanganya yaso la nɛmɔ ndo wakeketshanyaso lo nsanganya yakɔ. Lɔmba ampokami dia vɔ kɔndɔla bɛnyɛlɔ diɛnya woho wakawakeketshama vamɛ.
Osambu 152 ndo dɔmbɛlɔ dia ndjihelo.
Lomingu la ngɔndɔ ka dikumi 18
Osambu 196
Taahe 10: Waewoyelo ndo awui weta l’olimu w’esambishelo.
Taahe 13: “Onde Wɛ Ekɔ lo Tônɔ?” Dako di’ekeketshelo oma le sekeletɛlɛ. Naka apandjudi amɔtshi wambolanga monɔ otsha l’etshumanelo kekina, kete ekɔ ohomba efula vɔ mbekesanɛ kana shikimala lo ngelo kawɔ k’oyoyo di’aha vɔ ndjɔ̂la lo nyuma. Tɛtɛ ɔnɛ ekɔ ohomba efula mbewoya dikumanyi yɛdikɔ yanyu ndo mbalɔmba ekimanyielo dia vɔ fundanɛ kana sawola l’etshumanelo k’oyoyo k’otsha lɛnɛ alanganyu ntshɔ.
Taahe 22: “Ayoyotɛ Ose Ɔtɛmwɛlɔ w’Ase Juda Na?” Wembola l’ekadimwelo. Lembetshiya etshikitanu wele lam’asa judaïsme orthodoxe, judaïsme réformé, la judaïsme conservateur. (Enda lo L’humanité à la recherche de Dieu, lɛkɛ 226-227.) Ta akambo wɛnayɛ wate wɛ l’ose ɔtɛmwɛlɔ w’Ase Juda kokaka monga kanyi yâmɛ. Lɔngɔsɔla wɛnyɛlɔ ɔmɔtshi wa dimɛna efula. Dia wɛ mbeya awui efula wendana l’ɔtɛmwɛlɔ w’Ase Juda, enda lo dikatshi di’okotsha di’Olimu Aso wa Diolelo wa Ngɔndɔ ka Sato, 1998; Comment raisonner, lɛkɛ 22-23; la dibuku L’humanité à la recherche de Dieu, tshapita 9.
Osambu 142 ndo dɔmbɛlɔ dia ndjihelo.
Lomingu la ngɔndɔ ka dikumi 25
Osambu 179
Taahe 15: Waewoyelo. Kimanyiya anto tshɛ dia vɔ ndjâlɔngɔsɔla dia kahɛ anto biukubuku Katɔlɔmba la dibuku Ewo lo Ngɔndɔ ka Dikumi l’Ɔtɔi. Lembetshiyawɔ woho wa nɔngɔsɔla sawo dimɔtshi diendana la wombola w’ɔnɛ: “Onde Nzambi Mbokaka Alɔmbɛlɔ?” Kamba l’awui w’oma lo wekelo 7 wa lo biukubuku Katɔlɔmba kana tshapita 16, odingɔ 12-14, lo dibuku Ewo. Lɔngɔsɔla wɛnyɛlɔ ɔmɔtshi lo kamba la divɛsa ɔtɔi.
Taahe 15: Woho wa Tana Ekadimwelo lo Wembola w’oma lo Bible. Opandjudi ɔmɔtshi amboya oya le okambi ɔmɔtshi w’olimu dia mbotɛ woho wakandahomana l’onto ɔmɔtshi layasha laki la wombola ɔmɔtshi w’oma lo Bible. Lo dihole dia nde mbôkadimola, okambi w’olimu ambôlembetshiya woho wa nde tana okadimwelo lo wombola ɔsɔ. Ntondotondo, nde ambovusola la nde alako wele lo dibuku Manuel pour l’école tshapita 7, odingɔ 8 la 9. L’ɔkɔngɔ diko, ko vɔ ndjoyanga wombola ɔmɔtshi waleka mimbɔma l’ɛtshi kawɔ ka nkɛtɛ. Vɔ wambenda lo abuku watɛkɛta dikambo sɔ ndo wambotana awui w’eshika wakadimola wombola ɔsɔ w’oma lo Bible dimɛna. Keketsha ampokami dia ntshaka woho wa wekelo wa ngasɔ dia vɔ nyanga wembola ɛnɛ w’oma lo Bible.
Taahe 15: Eyango Wahombaso Ndjadjɛ. Dako ndo ɔkɛtshanyelo l’ampokami. Vusola eyango w’eshika woshidiwɔ lo kiombo yele lo lɛkɛ 11 la Tshoto y’Etangelo ya Ngɔndɔ ka Sato 15, 1997 (lo Falase). Keketshawɔ nto dia vɔ kamba olimu w’ombatshi mboka wa tshanda kana wa pondjo. Lembetshiyawɔ ɔnɛ, naka sho kotsha eyango ɛsɔ, kete tayokondja wahɔ efula. Lɔmba ampokami dia vɔ kɔndɔla ɔngɛnɔngɛnɔ waki lawɔ etena kakiwɔ l’akoka wa kotsha eyango ɛmɔtshi wa teokrasi.
Osambu 151 ndo dɔmbɛlɔ dia ndjihelo.