Ekongelo ka losanganya L’olimu
Lomingu la Ngɔndɔ ka Sato 13
Min. 10: Waewoyelo. Waewoyelo w’oma l’Olimu Aso wa Diolelo.
Min. 15: “Sho Sambishaka Lokumu l’Ɔlɔlɔ.” Sala mbɔtwɛlɔ kahakoke kânga minitɛ ɔtɔi ko wɛ ndjotatɛ mboka ampokami wembola. Sha bɛnyɛlɔ di’awui w’amɛna w’oma l’Afundelo wakoka mbɔsama oma lo dibuku Ewo etena kadishaso anto l’esambishelo.
Min. 20: “Onde Sho Kokaka Mbetɛ Ngɔndɔ ka Nɛi 2000, Ngɔndɔ Koleki Tshɛ Dimɛna le So?” (Odingɔ 1-11) Wembola ndo ekadimwelo. Ewoya lofulo l’anto tshɛ weke ka mbɔsa olimu w’ombatshi mboka wa tshanda l’etshumanelo. Amɔtshi wa l’atei awɔ wate wahɔ wakondjawɔ lamafudjawɔ ekambelo kawɔ k’olimu w’esambishelo. Keketsha etshumanelo dia kamba woho wa yomodiya lofulo l’ambatshi mboka wa tshanda lo Ngɔndɔ ka Nɛi. Vusola akoka wakawɛnya lo dibuku Notre ministère lo lɛkɛ 113-114. Apandjudi walanga monga ambatshi mboka wa tshanda kokaka kondja dɛmandɛ l’ɔkɔngɔ wa losanganya.
Osambo 187 ndo dɔmbɛlɔ dia ndjihelo.
Lomingu la Ngɔndɔ ka Sato 20
Min. 10: Waewoyelo. Alapɔlɔ wa falanga.
Min. 15: “ ‘Akokami Ntsha Na?’ ” Ɔnɔmbɔdi wa dibuku ɔmɔtshi akɛtshanya la okambi w’olimu ɔtɔi kana ekambi w’olimu ehende. Lam’ele akoka aso tshikitana, apandjudi amɔtshi koka ndjɛna di’oko ndoko diɔlɔ diatshawɔ l’olimu wa l’etshumanelo. Vusola awui amɔtshi wakoka onto tshɛ l’atei aso sala dia kimanyiya etshumanelo dia tɔ keketala ndo ntshɔ otsha la ntondo l’olimu wa Diolelo. Dia wɛ komiya, ɛnya woho wakoka onto tshɛ “Mbidja Lonya lo Alapɔlɔ w’Ekomelo.”—Enda lo dibuku Notre ministère, lɛkɛ 108-110.
Min. 20: “Onde Sho Kokaka Mbetɛ Ngɔndɔ ka Nɛi 2000, Ngɔndɔ Koleki Tshɛ Dimɛna le So?” (Odingɔ 12-18) Wembola ndo ekadimwelo. Sala wɛnyɛlɔ ɔmɔtshi lo tshena pe dia mɛnya woho wa mbelɛ onto ɔmɔtshi leyaso oya lo losanganya la Eohwelo ka nyɔi ka Yeso. Enda lo Alamanaka 2000 Ngɔndɔ ka Nɛi, ndo ɛlɔngɔswɛlɔ wambosalema dikambo dia nsanganya y’olimu w’esambishelo l’etshumanelo kanyu. Ohola onto tshɛ dia sala ekongelo ka shikaa dia sambisha efula ngɔndɔ kɛnɛ; lâsɔ tekɔ lo nongamɛ di’anto tshɛ wa l’etshumanelo wayosambisha efula. Keketsha onto tshɛ lakoka monga ombatshi mboka wa tshanda dia mbɔsa dɛmandɛ l’ɔkɔngɔ wa losanganya.
Osambo 65 ndo dɔmbɛlɔ dia ndjihelo.
Lomingu la Ngɔndɔ ka Sato 27
Min. 10: Waewoyelo. Ohola onto tshɛ dia kimɔ alapɔlɔ w’olimu wa Ngɔndɔ ka Sato. Ewoya nkombo ya wanɛ wayonga ambatshi mboka wa tshanda lo Ngɔndɔ ka Nɛi. Lembitshiya dia wonya wekekɔ wa ndodja dɛmandɛ. Ɛnya ekongelo kambɔsama dia nsanganya y’olimu w’esambishelo lo Ngɔndɔ ka Nɛi. Keketsha onto tshɛ dia ndjasha lo esambishilo Lushi la Samalo ndo la Lomingu lɔnɛ dia mbeya tatɛ Ngɔndɔ ka Nɛi dimɛna lo kɛnɛ kendana l’esambishelo. Tayokahɛ anto Tshoto y’Etangelo la Réveillez-vous ! lo Ngɔndɔ ka Nɛi. Ka epole ɔsɛkɛ lo sawo dimɔtshi ndo l’ɛtɛ w’awui wokoki kamba la wɔ dia sawola l’anto w’oma lo jurunalɛ tshɛ. Onto tshɛ pombaka monga la biukubuku Katɔlɔmba ndo sala la wolo dia kamba la yɔ dia tatɛ mbeka Bible l’anto wele la saki.
Min. 13: “Lɔmba Ekimanyielo.” Dako ndo ɔkɛtshanyelo l’ampokami oma le ekumanyi kɛmɔtshi. Lembitshiya woho wele onto tshɛ la l’atei aso ekɔ l’ohomba w’ekimanyielo kɛmɔtshi tena la tena. Eelo mɛtɛ, onto tshɛ pombaka mɛmba wotsho ande ndamɛ. (Ngal. 6:5) Koko, etena katoheka wotsho, sho hatokoke kandakanda dia nyanga ekimanyielo oma le ose etshumanelo ɔmɔtshi lambotshunda lo nyuma. Lɔmba ampokami dia vɔ nsanya woho wakawakondja ekimanyielo ka la ngandji oma le anto akina.
Min. 10: Ehomba wa l’etshumanelo.
Min. 12: Nyovusole awui wa lo Annuaire 2000. Ɔkɛtshanyelo kâmɛ l’ampokami ndo ovuswelo wa “Mfulo ya Tshɛtshɛ ya lo 1999,” yele lo lɛkɛ 31. Nyɔsɛdingole ndo “Mukanda w’oma le Olui Walɔmbɔla,” wele lo lɛkɛ 3-5. Mbola anto amɔtshi dia vɔ mbuta woho wayowokamba l’alako w’ekeketshelo wakashama.
Osambo 195 ndo dɔmbɛlɔ dia ndjihelo.
Lomingu la Ngɔndɔ ka Nɛi 3
Min. 10: Waewoyelo ndo awui weta l’esambishelo. Kamba l’awui weke ka mbeta w’oma lo lɛtshi lanyu la nkɛtɛ wayokeketsha anto akina dia sambishaka.
Min. 17: “Wekelo wa Prɔfɛsiya ka Danyɛlɛ.” Wembola ndo ekadimwelo. Lo tshena pe, ɛnya woho wokokiso kondja wahɔ oma lo wekelo wa dibuku dia lo Bible dia Danyɛlɛ. (Enda lo tshapita 1, odingɔ 15-17, lo dibuku Prophétie de Daniel.) Keketsha onto tshɛ dia mbɔtɔka lo Wekelo wa Dibuku wa l’Etshumanelo mbala la mbala.
Min. 18: Onde Dimi Pombaka Mbola Kɔlɔ ka Woke? Dako di’oshika diendana l’ɛlɔngɔlɔngɔ, diɔ diayoshama oma le ekumanyi kɛmɔtshi. Akambo efula wambofulanɛ nshi nyɛ wekɔ la shɛngiya y’efula le ɛlɔngɔlɔngɔ l’esekaseka, ɛnyɛlɔ oko awui wa mindo, ofulanelo w’awui wa ngala, dinɔnɔ dia wolo, ndo ɛɔnywɛlɔ ka lowandji. Ɛlɔngɔlɔngɔ ɛmɔtshi sɛnaka lɔsɛnɔ la dungi pende, lo mbishɛka dionga diawɔ dia mindo. Dikambo sɔ diekɔ wâle efula lo lonyuma l’etshumanelo. Amɔtshi salaka pɛkato ya weke ko ndjishɛka. Naka wɛ ambɛna dia ɔnangɛso kana kadiyɛso kɛmɔtshi ambosala dikambo dimɔtshi diasekola ɛlɛmbɛ waki Nzambi, ahombayɛ sala na? Kamba la didjango diɛnyishawɔ lo Akambu w’Asi Lewi 5:1. (Enda lo Tshoto y’Etangelo ya Ngɔndɔ k’Enanɛi 15, 1997, lɛkɛ 27-30 lo Falase.) Enda lo dibuku Les jeunes s’interrogent, lɛkɛ 68-69, ndo lembetshiya kɛnɛ kakoka onto sala lo woho wa dikambo dia ngasɔ.
Osambo 68 ndo dɔmbɛlɔ dia ndjihelo.