Ekongelo Ka Losanganya L’olimu

Lomingu la Ngɔndɔ k’Esambele 9

Osambo 4

Min. 8: Waewoyelo. Waewoyelo w’oma l’Olimu Aso wa Diolelo.

Min. 17: Alapɔlɔ w’Olimu wa Ngɔndɔ ka Nɛi. Dako ndo ɛkɔnya oma le omendji w’olimu. Ka epole ɔsɛkɛ lo alapɔlɔ w’olimu wa Ngɔndɔ ka Nɛi wa wodja anyu ndo wa l’etshumanelo kanyu. Kɔnya apandjudi wotshikitanyi wakadje welo wa lânde l’esambishelo lo ngɔndɔ kakɔ. Wate ɔngɛnɔngɛnɔ wakonge lawɔ oma lo woho wakawakambe efula ɔsɔ ndo kɛnɛ kasalawɔ dia tetemala la sambisha efula.​—⁠Enda lo dikatshi di’okotsha di’Olimu Aso wa Diolelo wa Ngɔndɔ ka Sato 2001, odingɔ wa 28-30.

Min. 20: “Onde Wɛ Koka Tokamba Lɛnɛ Ele Ohomba w’Efula?”* Dja ndo awui amɔtshi wakete washa ekeketshelo wakahomana l’apandjudi wa l’etshumanelo kanyu lam’akawatshu dia tokamba lo bɛtshi dia nkɛtɛ dianganyi etale l’etshumanelo kanyu kana lo nɛ diahaleke kindjakindjama.​—⁠Enda lo dibuku Notre ministère, lɛkɛ 112-113.

Osambo 42 ndo dɔmbɛlɔ dia ndjihelo.

Lomingu la Ngɔndɔ k’Esambele 16

Osambo 10

Min. 10: Waewoyelo. Alapɔlɔ wa falanga.

Min. 15: Ɛlɔngɔlɔngɔ, Nyokane Yimba lo Woho w’Olimu Wahombanyu Kamba lo Lɔsɛnɔ. Ombutshi ɔmɔtshi wa pami nde l’ɔnande la pami kana la womoto laya l’ɛnɔnyi dikumi l’ɛmɔtshi wekɔ lo sawola vɔ l’ekumanyi kɛmɔtshi keya akambo efula lo kɛnɛ kendana l’elimu wa l’emunyi. L’ɔkɔngɔ wa vɔ kana yimba l’akambo wakatama lo Losanganya l’Olimu ambeta mingu hiende lo kɛnɛ kendana l’ɔsɔnwɛlɔ w’olimu wa kamba lo lɔsɛnɔ, ɔn’ɔsɔ okanyiya dimɛna dia tatɛ kamba olimu w’ombatshi mboka wa pondjo koko nde heye dimɛna nganɛ wayondoyakotshɛka ehomba ande wa l’emunyi. Ekumanyi ambɔtɛtɛ l’ohomba wa monga la wɛdimo. (Tshoto y’Etangelo ya Ngɔndɔ ka Divwa 1, 1999, lɛkɛ 15, odingɔ 13) Ekɔ ohomba mbeka weho w’elimu ɛmɔtshi kana wa kalasa mɔtshi dia ndjeya ndjakotshɛ ehomba wa lo lɔsɛnɔ. Efula wakeke paka elimu ɛmɔtshi w’anya wahalɔmbɛ wenya ndo falanga efula. (Tshoto y’Etangelo ya Ngɔndɔ ka Hende 1, 1996, lɛkɛ 20; Les jeunes s’interrogent, lɛkɛ 178) Vɔ wakɛtshanya kâmɛ awui wele lo Réveillez-vous ! wa Ngɔndɔ ka Sato 8, 1996, lɛkɛ 9-11, ndo alako amɔtshi w’eshika wendana la woho wa tana kana wa ndjatongɛ olimu wa l’emunyi wasungana.

Min. 20: Les Témoins de Jéhovah : Qui sont-ils ? Quelles sont leurs croyances ? Ɔkɛtshanyelo l’ampokami ndo ɛnyɛlɔ. Sɛdingola biukubuku nyɛ ndo ɛnya woho wakoka kamba layɔ dia mbewoya anto akina awui wendana laso ndo l’olimu aso. Yɔ mɛnyaka êso (lɛkɛ 3-5), mbikaka epole ɔsɛkɛ l’ɛkɔndɔ ndo elimu aso ɛmɔtshi wa nshi nyɛ (lɛkɛ 6-11), shilaka dietawo diaso diatotshikitanya l’ɛtɛmwɛlɔ ekina (lɛkɛ 12-14), nembetshiyaka lokumu l’ɔlɔlɔ lasambishaso ndo woho walisambishaso (lɛkɛ 15-21), mɛnyaka woho wakondja anto wahɔ oma l’olimu aso (lɛkɛ 22-24), mɛnyaka woho wambokokanɛ ɔlɔngɔswamelo aso lo wedja efula (lɛkɛ 25-26), ndo kadimolaka lo wembola wambɔma mbala efula lo dikambo diaso (lɛkɛ 27-31). Sala ɛnyɛlɔ dia mɛnya woho wakamba opandjudi ɔmɔtshi la biukubuku nyɛ dia kadimola lo dimbola dimɔtshi l’atei wa wembola wele lo lɛkɛ 29 diombɔmi oma le onto l’otshwende dia tembola, onto lele la mposa ka mbeya akambo efula, oma lâsɔ, opandjudi ɛnya onto akɔ leeta lele l’ɔkɔngɔ wa lohoso. Keketsha anto tshɛ dia kamba la biukubuku shɔ woho wa vɔ kimanyiya ewotɔ aso wele bu Ɛmɛnyi wa Jehowa dia vɔ mbeya awui efula lo dikambo diaso, dia nomialomia nsaki woho wa ndjosala wendelo w’oyoyo, ndo dia nɔmbɔla ambeki wa Bible oya l’ɔlɔngɔswamelo.

Osambo 50 ndo dɔmbɛlɔ dia ndjihelo.

Lomingu la Ngɔndɔ k’Esambele 23

Osambo 19

Min. 10: Waewoyelo.

Min. 15: Ehomba wa l’Etshumanelo.

Min. 20: “Wekelo wa Dibuku Onto Loleki Woke lo Tena Tshɛ.”* Ayosalema lo wembola ndo ekadimwelo. Lomialomia nsaki k’anto lo wekelo wa dibuku nɛ wayomɛ lo Ngɔndɔ k’Esambele 30. Keketsha anto tshɛ dia mbɔtɔka lo Wekelo wa Dibuku wa l’Etshumanelo mbala tshɛ.

Osambo 53 ndo dɔmbɛlɔ dia ndjihelo.

Lomingu la Ngɔndɔ k’Esambele 30

Osambo 22

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ k’Esambele.

Min. 20: Ɛlɔngɔlɔngɔ, Nyonge la Shɛnɔdi l’Ɔsɔnɛlɔ wa Woho wa Kalasa Yalanganyu Mbɔtɔ. Ekumanyi kɛmɔtshi ekɔ lo sawola l’ambutshi amɔtshi ndo l’anawɔ waya l’ɛnɔnyi dikumi l’ɛmɔtshi lo dikambo dia wɔtwɛlɔ wa kalasa ya lâdiko. Ekumanyi ekɔ lo mbalembetshiya awui w’oma lo Tshoto y’Etangelo ya Ngɔndɔ ka Divwa 1, 1999, lɛkɛ 23-24, odingɔ 11-13, lo tɛtɛ dia mbaɛnya lande na kele olimu wa lo tena tshɛ pombaka mbeta lo dihole dia ntondo l’eyango awɔ. (Tshoto y’Etangelo ya Ngɔndɔ ka Dikumi l’Ahende 1, 1996, lɛkɛ 28-29, odingɔ 13-15) Vɔ tshɛ wavusole alako wele lo Réveillez-vous ! wa Ngɔndɔ ka Sato 8, 1998, lɛkɛ 20-21, watɛtɛ l’ohomba wa monga la shɛnɔdi dia mbeya mbɛdika ɔlɔlɔ la kɔlɔ ka wɔtwɛlɔ wa kalasa ya lâdiko ndo woho wa mbɔtɔ kalasa yele ohomba dia ndjakotshɛ ehomba wa l’emunyi woho wa vɔ tetemala la kamba olimu w’esambishelo l’ohetoheto. Vɔ tshɛ wambosuya dia pombaka ndjela didjango diaki Yeso dia mbetsha wahɔ wa Diolelo lo dihole dia ntondo.​—⁠Mat. 6:⁠33.

Min. 15: Une bonne nouvelle pour toutes les nations. Ɔkɛtshanyelo l’ampokami ndo ɛnyɛlɔ. Lofulo l’anto watɛkɛta ɔtɛkɛta w’angɛndangɛnda ɔmɔtshi lamboleka mbudɛ lo wodja ɔnɛ. Ɛnya woho wakokaso sambisha anto asɔ lo kamba la biukubuku Une bonne nouvelle pour toutes les nations. Lo tshena pe, sɛdingola “Woho wa Kamba la Biukubuku Nyɛ,” lo lɛkɛ 2, ndo adia mbɔtwɛlɔ ka lo sawo katanema l’ɔtɛkɛta watɛkɛtama l’etshumanelo kanyu. Sala ɛnyɛlɔ dia mɛnya kɛnɛ kahomba salema naka tambohomana l’onto ɔmɔtshi latɛkɛta ɔtɛkɛta okina. Kɔndɔla ɛnyɛlɔ tshɛ ka dimɛna kɛnya woho wakasalema dikambo sɔ l’ɛtshi kanyu ka nkɛtɛ.​—⁠Enda lo dikatshi di’okotsha di’Olimu Aso wa Diolelo wa Ngɔndɔ ka Hende 1998, lɛkɛ 9-10.

Osambo 57 ndo dɔmbɛlɔ dia ndjihelo.

Lomingu la Ngɔndɔ k’Enanɛi 6

Osambo 25

Min. 15: Waewoyelo. Lɔmba ampokami dia vɔ kɔndɔla kɛnɛ kakete lam’akawasambisha lo tshakitudi etena kakawatatshɔka otsha lo losanganya la distrikɛ, otsha lo vakashi, kana kakawembolaka ewotɔ awɔ wele bu Ɛmɛnyi wa Jehowa.

Min. 10: “Ekongelo ka Losanganya l’Otshimbedi Layaye.” Dako. Ewoya datɛ diayosalema losanganya l’otshimbedi la mbala kayaye. Anto tshɛ pombaka mbidja welo wa lânde dia mbeta ambeki wa Bible. Keketsha apandjudi wahatabatizama dia vɔ kana yimba ɔlɔlɔ kana vɔ koka batizama dia mɛnya djembetelo ya ndjakimɔ kawɔ le Jehowa lo losanganya layaye. Keketsha anto tshɛ dia mbɔtɔ lo tenyi diakɔ tshɛ dia losanganya nshi yakɔ hiende.

Min. 20: “Tokake Wɔma dia Nsambisha!”* Naka wonya wekɔ, kete kɔndɔla akambo wakete wele lo Tshoto y’Etangelo ya Ngɔndɔ ka Dikumi l’Ahende 15, 1999, lɛkɛ 25.

Osambo 63 ndo dɔmbɛlɔ dia ndjihelo.

* Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.