Ekongelo Ka Losanganya L’olimu

Lomingu la Ngɔndɔ k’esambele 11

Osambo 49

Min. 10: Waewoyelo. Waewoyelo w’oma lo Olimu aso wa Diolelo. Kamba la alako wa lo lɛkɛ 6 (naka kokaka lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ k’esambele 15 ndo Réveillez-vous! wa Ngɔndɔ k’esambele 22. Nyu mbeyaka kamba la mbɔtwɛlɔ nkina ya amɛna. Lo wɛnyɛlɔ tshɛ, ɛnya woho wa mbekola wekamu naka onto ambota ate: “Lekɔ la olimu.”​—⁠Enda biukubuku Woho wa tatɛ ndo tetemala, lɛkɛ 11-12.

Min. 15: Tosha anto tobukubuku lo Ngɔndɔ k’esambele ndo k’enanɛi​—⁠Etenyi 2. Sawo ndo ɔkɛtshanyelo la ampokami diɔsami oma lo dikatshi di’okotsha. Lembetshiya lo tshena pe woho wa kamba la dikatshi di’okotsha ndo tɔtɔmiya awui wa lo kiombo ya lo lɛkɛ 3 ndo awui w’ohomba w’oma lo Olimu aso wa Diolelo wa Ngɔndɔ ka ntondo 2005 lɛkɛ 8. Nyɔkɛtshanya mbɔtwɛlɔ yele amɛna lo ɛtshi kanyu ka nkɛtɛ dia mbisha anto tobukubuku mbala ka ntondo kahomanaso la wɔ. Kamba la wɛnyɛlɔ ehende kana esato wendana la mbɔtwɛlɔ. Kamba kânga la dikɛnda ɔtɔi lo wɛnyɛlɔ ɔmɔtshi.

Min. 20: “Tosambisha anto efula.”a Etena kakɛtshanyanyu odingɔ 4, nyovusole awui wa lo mukanda wa Ngɔndɔ ka ntondo 10, 2003 wakakeketsha anto dia tokamba lɛnɛ ele ohomba efula w’apandjudi lo ɛtshi kaso ka nkɛtɛ. Etena kakɛtshanyanyu odingɔ 5, nyovusole mbɔtwɛlɔ yele lo Olimu aso wa Diolelo wa Ngɔndɔ ka samalo 2005, lɛkɛ 8 yɔtɔnɛ la ehomba wa ɛtshi kanyu ka nkɛtɛ.

Osambo 88 ndo dɔmbɛlɔ dia ndjihelo.

Lomingu la Ngɔndɔ k’esambele 18

Osambo 173

Min. 10: Waewoyelo. Sɛdingola lo tshena pe awui wele lo Tshoto y’Etangelo ya Ngɔndɔ k’enanɛi 15, 2000, lɛkɛ 32 lo Falase. Ɛnya ɛlɔlɔ waya lo monga la ekongelo ka wadielo wa Bible wa lushi la lushi, kânga lo nshi ya vakashi ndo lo tena dikina dieso hatosale elimu aso wa lushi la lushi.

Min. 15: “Tɔlɔmbɔlɛ wekelo wa Bible watahame​—⁠Etenyi 11.”b Ndja ndo wɛnyɛlɔ ɔmɔtshi wɛnya opandjudi ɔmɔtshi nde la ombeki ande wa Bible waya opandjudi w’oyoyo. Wambovusola awui wa lo wendelo awɔ wa mbala ka ntondo ndo wambɔsɔna dui dimɔtshi di’ohomba dia vɔ tosawola l’anto lo wendelo w’oyoyo. Wambɔlɔngɔsɔla nto mbɔtwɛlɔ kɛmɔtshi ka wɔdu ndo dimbola dimɔtshi diakokawɔ munyiya lo ekomelo ka wendelo. Wɛnyɛlɔ wambokomɛ etena kavusolawɔ mbɔtwɛlɔ kɔlɔngɔsɔdiwɔ.

Min. 20: Tokimanyiya anto akina dia vɔ mbɔsa Bible la nɛmɔ. Sala ɔkɛtshanyelo wa ambola la ekadimwelo wɔsami oma lo dibuku Tɛmɔla Nzambi, lɛkɛ 24-25, odingɔ 3-6. Kamba la ambola wa wekelo woshami lo dibuku. Ndja ndo kɔmatɛrɛ y’oma lo biukubuku Un livre pour tous, lɛkɛ 32.

Osambo 10 ndo dɔmbɛlɔ dia ndjihelo.

Lomingu la Ngɔndɔ k’esambele 25

Osambo 138

Min. 15: Waewoyelo. Adia alapɔlɔ wa falanga ndo sha ampokami losaka latome biro ka filialɛ l’ɔtɛ wa weshasha awɔ. Kamba la alako wa lo lɛkɛ 6 (naka kokaka lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ k’enanɛi 1 ndo Réveillez-vous! wa Ngɔndɔ k’enanɛi 8. Nyu mbeyaka kamba la mbɔtwɛlɔ nkina ya amɛna. Lo wɛnyɛlɔ ɔmɔtshi, ɛnya opandjudi atasha anto periodikɛ lo tshakitudi lo lobingu kana lo ahole akina w’anto tshɛ.

Min. 10: Kɔkɔmiya akambo wa mɛtɛ lo otema wa ɔnayɛ. (Euh. 6:⁠7) Sawo diayoshama oma le ekumanyi kɛmɔtshi diɔsami oma lo Tshoto y’Etangelo ya Ngɔndɔ k’enanɛi 15, 2002, lɛkɛ 30-31 lo Falase. Tɔtɔmiya atɔndɔ wa lo Afundelo washa ombutshi w’Okristo wele olonganyi ande kema ombetawudi ɛlɔmbwɛlɔ lo kɛnɛ kendana la wetshelo w’ɔnande.

Min. 20: “Dibasa diokolamiso le anto akina.”c Ndja ndo kɔmatɛrɛ y’oma lo Tshoto y’Etangelo ya Ngɔndɔ k’esambele 1, 2000, lɛkɛ 21, odingɔ 13.

Osambo 82 ndo dɔmbɛlɔ dia ndjihelo.

Lomingu la Ngɔndɔ k’enanɛi 1

Osambo 187

Min. 15: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ k’esambele. Lɔmba ampokami dia vɔ mbifola dibuku Kalasa k’olimu lo lɛkɛ 70 ndo l’ekimanyielo ka ɔkɛtshanyelo wa la ampokami, nyɔsɛdingole odingɔ 1-2 ndo kiombo yata ɔnɛ: “Woho wa mbisha kɔmatɛrɛ lo nsanganya.”

Min. 15: “Nyokimanyiya ananyu dia vɔ mpama lo esambishelo.” Sawo ndo ɔkɛtshanyelo la ampokami. Ndja ndo wɛnyɛlɔ ɔmɔtshi wɛnya ombutshi ɔmɔtshi nde la ɔnande wakamba la mbɔtwɛlɔ kɛmɔ ka wɔdu. Ombutshi akumiya wɛnyɛlɔ lo nembetshiya onto lo tshena pe yɛdikɔ yendana la weshasha.

Min. 15: Onde wɛ ambohembaka mbɔtwɛlɔ kɛmɔtshi kakoka tshikitanyema? Sawo ndo ɔkɛtshanyelo la ampokami diɔsami oma lo Olimu aso wa Diolelo wa Ngɔndɔ ka ntondo 2005, lɛkɛ 6. Vusola alako woshami ndo ɛnya woho wakokaso kamba la mbɔtwɛlɔ kakoka tshikitanyema lo kamba la ekanda wayotosha anto lo Ngɔndɔ k’enanɛi. Sala wɛnyɛlɔ ɔtɔi kana ehende wa mbɔtwɛlɔ yele lo sawo.

Osambo 218 ndo dɔmbɛlɔ dia ndjihelo.

[Nɔte ka l’ɛse ka dikatshi]