Ovuswelo w’awui wakekama lo Kalasa k’olimu wa teokrasi
Ambola wayela anɛ wayɔkɛtshanyema oko ovuswelo wa l’onyɔ wa lo Kalasa k’olimu wa teokrasi lomingu la Ngɔndɔ k’enanɛi 29, 2005. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’olimu wa teokrasi tatɛ oma lo lomingu la Ngɔndɔ k’esambele 4 polo lo lomingu la Ngɔndɔ k’enanɛi 29, 2005. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.—Enda Kalasa k’olimu, lɛkɛ 36-37.]
WAONGA W’ƆTƐKƐTSHI
1. Etena kasambishaso anto akina dia elongamelo kaso, ngande wakokaso sala dia ‘ekanelo kaso k’ɔlɔlɔ mbeyama le anto tshɛ,’ ndo lande na kele dui sɔ ohomba? (Fil. 4:5; Jak. 3:17) [be lɛkɛ 251 od. 1-3, kiombo]
2. Ngande wele mbeya etena ka monga la ekanelo k’ɔlɔlɔ tokimanyiyaka dia nsɛna dimɛna la anto akina? [be lɛkɛ 253 od. 1-2]
3. Bonde kele kamba la ambola la yewo tshɛ ekɔ ohomba etena kakimanyiyaso anto akina dia kana yimba lo dui dimɔtshi? [be lɛkɛ 253 od. 3-4]
4. Awui akɔna wahombaso mbidja yimba dia anto mbetawɔ awui wataso? [be lɛkɛ 255 od. 1-4, kiombo; lɛkɛ 256 od. 1, kiombo]
5. Kakɔna kahombaso nama lo yimba naka tamboyashikikɛ dia kamba la djembetelo yahatumbi oma lo Bible dia sukɛ woho wele Afundelo la awui wa shikaa? [be lɛkɛ 256 od. 3-5, kiombo]
SAWO NO. 1
6. Naa djembetelo ya shikaa yɛnya hwe dia Yeso akasɛnɛ la nkɛtɛ? [w03-F 15/6 lɛkɛ 4-7]
7. Lo woho akɔna ‘watshungola enyɔ waki anto w’ɔlɔlɔ anto akɔ,’ ndo lo woho akɔna ‘washikikɛma’ mvudu yaki anto wosembwe? (Tuk. 12:6, 7) [w03-F 15/1 lɛkɛ 30 od. 1-3]
8. Ngande wakokaso ‘shihodia lolango laki Jehowa,’ lam’ele Bible hafundami lo ndjela listɛ la ɛlɛmbɛ lɛnya kɛnɛ kahombaso sala kana kahatakoke ntsha? (Ef. 5:17) [w03-F 1/12 lɛkɛ 21 od. 3–lɛkɛ 22 od. 3]
9. Atɔndɔ akɔna wa lo Bible wakoka kimanyiya onto dia mbeya nsɛna lo wola kana mbikikɛ ekakatanu wendana la ekondjelo? [w03 1/8 lɛkɛ 5 od. 2-5]
10. Ngande wahomba ɛnyɛlɔ kaki Jehowa ka lokaho monga la shɛngiya le so? (Mat. 10:8) [w03-F 1/8 lɛkɛ 20-22]
WADIELO WA BIBLE WA LOMINGU LA LOMINGU
11. Kakɔna kakalembetshiyaka dikɔhɔ dihende diakelamɛka ɔnɛ Jakina la Bɔaza diaki la soko dia lo tɛmpɛlɔ kakake Sɔlɔmɔna? (1 Khum. 7:15-22)
12. Onde woho wakasha Sɔlɔmɔna nkumekanga Hiramɛ ka Tura esomba 20 wa lo nkɛtɛ ya Ngalileya akɔtɔnɛka la Ɛlɛmbɛ wa Mɔsɛ? (1 Khum. 9: 10-13)
13. Wetshelo akɔna wakokaso kondja oma lo ohedia waki ‘onto aki Nzambi ɔmɔtshi’? (1 Khum. 13: 1-25)
14. Lo yoho yakɔna yakɛnya nkumekanga Asa ka la Juda dihonga diande, ndo wetshelo akɔna wakokaso kondja oma lo ɛnyɛlɔ kande? (1 Khum. 15:11-13)
15. Ngande wɛnya kɛnɛ kakatombe lasa nkumekanga Ahaba nde la Nabɔta wâle waya naka onto tamanya ndjakiyanya lo dikambo diande? (1 Khum. 21:1-16)