Ekongelo ka losanganya l’olimu

Lomingu la Ngɔndɔ ka ntondo 14

Osambo 41

Min. 10: Waewoyelo. Waewoyelo w’oma lo Olimu aso wa Diolelo. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka ntondo 1 ndo Réveillez-vous ! wa Ngɔndɔ ka ntondo.

Min. 15: “Tokambe dimɛna la wenya aso l’esambishelo.”a Kɔnya ɔnangɛso ɔmɔtshi lasha ɛnyɛlɔ k’ɔlɔlɔ lo yoho yalɔmbɔlande losanganya l’otsha l’olimu w’esambishelo. Kakɔna kasalande dia nɔngɔsɔla anto dia vɔ tomba lo olui ndo kamba dimɛna la wenya wetshawɔ l’esambishelo?

Min. 20: ‘Nyotake paka ɛtɛkɛta wɔsɔhanyemi la lɛhɔ tena tshɛ.’b Etena kasɛdingolanyu odingɔ 2, nyadia Joani 4:​7-15, 39.

Osambo 85

Lomingu la Ngɔndɔ ka ntondo 21

Osambo 215

Min. 10: Waewoyelo. Ewoya ekanda wayotosha anto lo Ngɔndɔ ka hende ndo sala wɛnyɛlɔ ɔmɔtshi wakoka. Keketsha anto tshɛ dia menda vidɛo kele l’ɔtɛ a dui ɔnɛ: Soigner sans transfuser ​— Besoins et droits du patient dia ndjalɔngɔsɔla dikambo dia ɔkɛtshanyelo wayosalema lo Losanganya l’olimu lo lomingu la Ngɔndɔ ka hende 4.

Min. 10: Onde wɛ kambaka la Tɔsɛdingolake Afundelo lushi la lushi? Sawo ndo ɔkɛtshanyelo la ampokami. Sawo diakɔ mbɔsama oma lo mbɔtwɛlɔ ka Tɔsɛdingolake Afundelo lushi la lushi​—2008. Ɛnya ohomba wa mbɔsaka minitɛ ngana lushi tshɛ dia sɛdingola divɛsa dia l’Afundelo la kɔmatɛrɛ kadiɔ. Lɔmba ampokami dia vɔ mbuta ekongelo kawɔ ka sɛdingola divɛsa ndo ɛlɔlɔ akɔna wambowokondja. Kokaka talɔngɔsɔdi kɔmatɛrɛ ɔtɔi kana hiende la ntondo. Tɛkɛta lo tshena pe dikambo dia divɛsa dia l’ɔnɔnyi 2008.

Min. 25: ‘Tosambisha lokumu l’ɔlɔlɔ dimɛna dimɛna.’c (Od. 1-10) Ayoshama oma le omendji w’olimu. Kɔnya opandjudi ɔtɔi kana ahende wakakambe olimu w’ombatshi mboka wa tshanda lo ɔnɔnyi wetshi kânga mbewɔ la wesanu efula kana la dikɔmɔ dia lo demba. Kakɔna kakâkimanyiya dia vɔ kamba olimu akɔ? Ɛngɛnɔngɛnɔ akɔna wakawakondja? Etena kasɛdingolanyu odingɔ 7, ewoya ekongelo ka nsanganya y’otsha l’olimu w’esambishelo lo Ngɔndɔ ka sato, ka nɛi ndo ka tanu.

Osambo 177

Lomingu la Ngɔndɔ ka ntondo 28

Osambo 52

Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka ntondo. Adia alapɔlɔ wa kɔntɛ ndo mikanda wa eokelo ka losaka. Ɔkɛtshanyelo la ampokami wɔsami oma lo Tshoto y’Etangelo ya Ngɔndɔ ka hende 1 ndo Réveillez-vous ! wa Ngɔndɔ ka hende. L’ɔkɔngɔ wa wɛ mbisha kanyi ya lo tshena pe y’awui wele lo numɛlɔ yakɔ tshɛ, lɔmba ampokami dia vɔ mbuta asawo akɔna wakoka ngɛnyangɛnya anto wa l’ɛtshi kanyu ka nkɛtɛ ndo lande na. Lɔmba ampokami dia vɔ mbisha tokanyi lo woho wa kamba la asawo amɔtshi wambowokongɛ dia tosha anto. Dimbola diakɔna diakoka onto kamba la diɔ dia tatɛ sawo l’onto? Oma lâsɔ, divɛsa diakɔna diele l’etei ka sawo diakoka mbadiema? Ngande wakoka divɛsa sɔ mbɔtɔnganyiyama la sawo? Lo kamba la ɛnyɛlɔ kɛmɔtshi ka mbɔtwɛlɔ kele lo lɛkɛ 8, ɛnya woho wakokaso mbisha anto periodikɛ yakɔ.

Min. 20: ‘Tosambisha lokumu l’ɔlɔlɔ dimɛna dimɛna.’d (Od. 11-17) Naka nyambolongola akatshi wa leeta la lânde lendana la Eohwelo, kete nyosha ompokami tshɛ kɔpi ɔtɔi etena kasɛdingolanyu odingɔ 14. Ewoya tɛdikɔ tambɔsama l’etshumanelo kanyu dia kahanya akatshi akɔ wa leeta lo ɛtshi kanyu ka nkɛtɛ.

Min. 15: “Tokimanyiya ambeki wa Bible dia vɔ koma apandjudi wa lokumu l’ɔlɔlɔ la Diolelo.”e Naka wonya wekekɔ, kete lɔmba ampokami dia vɔ mbisha kɔmatɛrɛ lo avɛsa woshilami.

Osambo 22

Lomingu la Ngɔndɔ ka hende 4

Osambo 161

Min. 10: Waewoyelo. Vusola kiombo yele l’ɔtɛ a dui ɔnɛ: Ekadimwelo lo ambola anyu.

Min. 10: Ehomba wa l’etshumanelo.

Min. 25: “Onde wɛ ambokilodia?” Ayɔlɔmbwama oma le ekumanyi kɛmɔtshi. Eta mbala kakɔ ɔtɔi lo ɔkɛtshanyelo la ampokami w’awui wele lo vidɛo kele l’ɔtɛ a dui ɔnɛ: Besoins et droits du patient lo kamba la ambola wele lo sawo. L’ekomelo, adia odingɔ w’ekomelo ndo keketsha anto tshɛ dia vɔ tovusola la yambalo tshɛ asawo woshilami w’oma lo Tshoto y’Etangelo ndo Olimu aso wa Diolelo. Lembetshiya woho wakoka ndodia onto tshɛ lele atalodia kartɛ kande lo kamba la dikatshi di’okotsha dia Olimu aso wa Diolelo wa Ngɔndɔ ka dikumi l’ɔtɔi 2006 dia mbɔsa tɛdikɔ tande ndamɛ lo kɛnɛ kendana la tangangɔ t’oma lo dikila la esakelo wakokande mbetawɔ ndo funda ɛsɔnwɛlɔ wambondosala lo kartɛ kande ka DPA. Wanɛ wamboshilaka ndodia waa kartɛ yawɔ ya DPA mbeyaka kombola nyomɔsɛdingola ɛsɔnwɛlɔ wakawasale ndo naka kokaka mbeyaka ndodia kartɛ k’oyoyo.

Osambo 4

[Nɔte ka l’ɛse ka dikatshi]