“Wenya wa tango engana wahombami mbadia?”

Onde wɛ atayaokaka dimbola sɔ? Alako wendana la dimbola sɔ tanemaka lo dibuku Tamboyakongɛ, lɛkɛ 86-87. Mbala mɔtshi, sho nongolaka alako akina wendana la dimbola sɔ, ɛnyɛlɔ oko wanɛ watanema lo Ekadimwelo lo ambola anyu wa l’Olimu aso wa Diolelo wa Ngɔndɔ ka divwa 2008. Lam’ele akambo tâtshikitanaka, hawotosha lokaka l’alako lakokaso kambaka la wɔ. Ɔnkɔnɛ, hatonga dimɛna dia dikumanyi kana anto akina mbisha alako akina lâdiko dia wasɔ.

Naka wambotombola dimbola dimɔtshi ko ndoko okadimwelo ɔmɔtshi wambotondjama l’ekanda aso, opandjudi tshɛ kokaka ndjambola ɔnɛ: Onde wenya ɛnɛ tshɛ mbakamasambishisha ko kana lakawaetshisha lo dui dimɔtshi diahendana l’olimu w’esambishelo? Wenya wahombaso mfunda lo alapɔlɔ aso w’esambishelo wakimɔso ngɔndɔ tshɛ pombaka tosha ɔngɛnɔngɛnɔ, koko aha ntshutshuya nkum’otema kaso dia tanya. (Etsha 23:1) Lo mɛtɛ, hatohombe ndjakiyanya ntondotondo dia mbeya woho wa mbadia wenya, koko sho pombaka ndjakiyanya dia mbeya woho wakokaso nkamba la wenya akɔ dimɛna lo monga l’etete l’olimu w’esambelo.—Heb. 6:11.