Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la ngɔndɔ ka Hende

“Onde wɛ fɔnyaka dia Nzambi ekɔ l’okongamelo ɔmɔtshi ɛlɔ kɛnɛ? Kana onde wɛ fɔnyaka dia nde salɛka anto akambo l’onto ndo l’onto? [Tshikande akadimole.] Enda kɛnɛ kata Tshoto y’Etangelo nyɛ lo kɛnɛ kendana l’anto wakakenge okongamelo waki Nzambi ambeta ɛnɔnyi efula.” Fola Tshoto y’Etangelo ya ngɔndɔ ka Hende 1, lɛkɛ 16 ndo nyɔsɛdingole kâmɛ awui wele l’ɔtɛ a dui wa ntondo ndo nyadia divɛsa ɔtɔi l’atei a wanɛ woshilami. Shande periodikɛ, ndo nyokane etena kayoyokalola dia nyu ndjɔsɛdingola dimbola dikina.

Tshoto y’Etangelo ngɔndɔ ka Hende 1

“Anto wambɔtɛkɛta efula l’ɛnɔnyi weke ka mbeta ɛnɛ dikambo dia Aramangɛdɔna. Onde wɛ fɔnyaka dia ekɔ dui dimɔtshi diakoka anto nsala dia nshimba diaha Aramangɛdɔna ndja? [Tshikande akadimole.] Periodikɛ kɛnɛ mɛnyaka oma lɛnɛ akaye tshɛkɛta ‘Aramangɛdɔna.’ [Adia Enyelo 16:16. Oma lâsɔ, ɛnyande lohoso la periodikɛ.] Periodikɛ kɛnɛ mbishaka okadimwelo w’oma lo Bible wa ambola anɛ.”

Réveillez-vous ! ngɔndɔ ka Hende

“Ɛlɔ kɛnɛ anto efula ngɛnangɛnaka nsawola kâmɛ l’anto akina l’Ɛtɛrnɛtɛ. Onde wɛ fɔnyaka dia asawo wa ngasɔ wekɔ la wâle? [Tshikande akadimole.] Bible kekɔ l’atɔndɔ wɛnya woho wakokaso ndjakokɛ oma l’asawo wa l’Ɛtɛrnɛtɛ. [Fola lɛkɛ 6-9 ndo nyɔkɛtshanya ambola amɔtshi ndo nyadia divɛsa dimɔtshi dioshilami.] Periodikɛ kɛnɛ kayokokimanyiya dia wɛ mbeya ndo mbewɔ wâle waya lo mbɔtɔ lɔngɛnyi l’anto lo sawolaka lawɔ l’Ɛtɛrnɛtɛ.”