Bɛnyɛlɔ dia mbɔtwɛlɔ

(Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka hende

“Anto wasawola la so wekɔ la tokanyi totshikitanyi lo dikambo dia Bible. Amɔtshi mbetawɔka dia tɔ kekɔ Ɔtɛkɛta wa Nzambi ndo akina kiɔsaka oko dibuku ko dibuku. Oko le yɛ, ngande wɔsayɛ Bible?” Tshikande akadimole. Ɛnyande lohoso l’ekomelo la Tshoto y’Etangelo ya Ngɔndɔ ka hende 1, ndo nyɔsɛdingole awui wele l’ɛse ka dimbola dia ntondo ndo nyadia kaanga divɛsa ɔtɔi dioshilami. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.

Tshoto y’Etangelo Ngɔndɔ ka hende 1

“Anto efula kombolaka dia ata nkomɛ. Onde wɛ fɔnyaka di’andja ɔnɛ wokoyala lo wɔladi lushi lɔmɔtshi? [Tshikande akadimole.] Lembetɛ daka nɛ dia l’Afundelo. [Adia Osambu 46:9.] Dui dia diambo ko, awui wakasalema lo Ta dia ntondo di’andja w’otondo ndo yema l’ɔkɔngɔ toshikikɛka dia kem’edja Nzambi ayanga nkotsha daka diande dia komiya ata lo pondjo. Periodikɛ kɛnɛ nembetshiyaka woho wayosalema dui sɔ.”

Réveillez-vous ! Ngɔndɔ ka hende

“Tekɔ lo tasawola l’anto lo tshena pe dia nkɛtshanya la wɔ dui dimɔtshi diendana l’anto tshɛ. Mɛnamaka di’oko anto waya bu la wenya efula wa nsala kɛnɛ tshɛ kakombolawɔ. Onde wɛ fɔnyaka dia taya l’akambo efula wa nsala nɛ dia tekɔ mɛtɛ l’elimu efula wa nsala ko kana sho mbetshaka wenya aso amboleka l’akambo wele bu ohomba? [Tshikande akadimole.] Anto efula haweye dia Bible toshaka alako w’eshika wakoka tokimanyiya dia nkamba la wenya aso lo yoho ya dimɛna. Ɛnyɛlɔ kɛmɔtshi tɔ kɛnɛ. [Adia Filipɛ 1:10a.] Periodikɛ kɛnɛ mɛnyaka toho tɔnɛi takoka nkimanyiya anto efula dia nkamba la wenya awɔ la lomba.”