“Layɔsa ekanda anyu paka naka wɛ mbetawɔ mbɔsa waso”

Ngasɔ mbatototɛka anto amɔtshi wahomana la so l’esambishelo. Lam’ele hatengɔnya ekanda aso walembetshiya Bible la ekanda w’ase ɛtɛmwɛlɔ wele l’oyango wa dianganya wetshelo wa kashi, ngande wakokaso nkadimola anto asɔ la yewo tshɛ? (Rɔmɔ 1:25) Sho koka mbotɛ ɔnɛ: “Losaka lo woshasha ayɛ. Ko kakɔna kata okanda akɔ lo kɛnɛ kendana la woho wayokandɔma ekakatanu wele l’anto? [Tshikande akadimole. Naka nde ambokɔlɔmba dia mbadia okanda ande dia nkondja okadimwelo wa dimbola diayɛ, wɛ koka mbotɛ ɔnɛ wɛ hakoke mbisha onto okanda aha la mbolembetshiya kɛnɛ kata okanda akɔ. Oma laasɔ, ko wɛ mbadɛ kana mbotɛ ɛtɛkɛta wele lo Mateo 6:9, 10.] Yeso akatatshi ɔnɛ lolango laki Nzambi layosalema la nkɛtɛ etena kayoya Diolelo diaki Nzambi. Ɔnkɔnɛ, paka ekanda wa l’ɔtɛmwɛlɔ ɔtɔi oto wele la mi mbaka epole ɔsɛkɛ lo Diolelo diaki Nzambi. Onde dimi kokaka kɛnya oma lo Bible awui amɔtshi wayosala Diolelo diaki Nzambi?”