Kakɔna kahombama?

Ɔsɔ ekɔ dimbola dia dimɛna diahombaso ndjaoka lo kɛnɛ kendana la okanda tshɛ walangaso mbisha onto. Okanda tshɛ wambolana, wambotatɛ mimɔ kulɛrɛ kana waya mindo mongaka la shɛngiya ya kɔlɔ lo okongamelo aso ndo kokaka mbekola yimba y’ompokami aso oma lo losango la dimɛna ndo lashimbɛ nsɛnɔ lele l’ekanda aso.

Ngande wakokaso namaka ekanda aso pudipudi? Apandjudi efula mɛnaka dimɛna nkongɛ atapa awɔ w’esambishelo lo woho wakoka mbakimanyiya dia vɔ mbidjaka ekanda wa woho wâmɛ lo dihole ɔtɔi. Ɛnyɛlɔ, vɔ kitshaka abuku lo dihole diawɔ, periodikɛ lo dihole diawɔ, tobukubuku, traktɛ ndo ekanda ekina woho akɔ wâmɛ. Oyadi etena kalangawɔ nkaloya Bible yawɔ kana ekanda ekina w’esambishelo l’ahole awɔ, vɔ salaka dui sɔ diaha ofukutanu monga. Apandjudi amɔtshi namaka ekanda awɔ lo fardɛ kana lo atapa akina. Oyadi lo dihole diakɔna diayotowadja, hatokombola mbisha onto ɔmɔtshi diaaso dia nde mɔnyɔla losango laso l’ɔtɛ wambotowosha okanda wambolana.—2 Kor. 6:3.