Bɛnyɛlɔ dia mbɔtwɛlɔ

(Numɛlɔ kele bu l’Ɔtɛtɛla ko nyu menda lo Falase)

Woho wa mbisha anto akatshi wa leeta l’oya lo Eohwelo

“Tekɔ lo takahɛ anto tshɛ akatshi wa leeta l’oya lo dikambo dimɔtshi di’ohomba efula. Lo Ngɔndɔ ka nɛi 14, miliyɔ y’anto wa l’andja w’otondo wayotshumana dia nsala Eohwelo ka nyɔi ka Yeso Kristo ndo wayohokamɛ ofele sawo di’oma lo Bible diayɛnya wahɔ wakondjaso oma lo nyɔi kande. Dikatshi dia leeta nɛ mɛnyaka dihole ndo wonya wayosalema losanganya lɔsɔ l’ɛtshi kaso ka nkɛtɛ.”

Tshoto y’Etangelo Ngɔndɔ ka nɛi 1

“Tekɔ lo tasawola l’anto lo tshena pe lo kɛnɛ kendana la dui dimɔtshi diasala anto efula. Suke l’onto tshɛ oyadi ɔtɛmwɛlɔ akɔna wende, salaka dɔmbɛlɔ. Oko le yɛ, onde Nzambi kadimolaka alɔmbɛlɔ ko kana wɛ fɔnyaka dia sho salaka alɔmbɛlɔ tsho paka dia ndjaoka dimɛna l’ɔtɛ w’ekakatanu aso? [Tshikande akadimole.] Ohenda kɛnɛ kata Bible lo dikambo dia dɔmbɛlɔ. [Adia 1 Joani 5:​14.] Periodikɛ kɛnɛ mɛnyaka wahɔ wakokaso nkondja lo salaka dɔmbɛlɔ.”

Réveillez-vous ! Ngɔndɔ ka nɛi

“Tamboya ndjosawola la yɛ lo kɛnɛ kendana la dui dimɔtshi diambokokanɛ l’andja ɔnɛ. Anto amɔtshi ndjakiyanyaka efula l’ɔtɛ w’ekakatanu wa lo lɔsɛnɔ ndo vɔ ndjokomaka polo lo nyanga dia ndjadiaka. Oko le yɛ, naka onto ekɔ l’ekakatanu, onde nde mɛtɛ kombolaka ndjadiaka ko kana nde ekɔ tsho l’ohomba di’ekakatanu ande kandɔma? [Tshikande akadimole.] Daka dia lo Bible nɛ diambokimanyiya anto efula dia vɔ ntetemala mɛna akambo la sso di’ɔlɔlɔ. [Adia Ɛnyɛlɔ 21:3, 4.] Periodikɛ kɛnɛ mɛnyaka ɛkɔkɔ esato w’eshika wahomba onto ntetemala nsɛna oyadi ekakatanu akɔna wele la nde.”