Bɛnyɛlɔ dia mbɔtwɛlɔ

(Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka sato

“Tekɔ lo tasawola l’anto lo tshena pe lo kɛnɛ kendana la dikambo dimɔtshi diayosalema lo Ngɔndɔ ka nɛi 14. Ɔsɔ ekɔ datɛ dia Eohwelo ka nyɔi ka Yeso. Anto amɔtshi wayosala Eohwelo kɛsɔ nɛ dia vɔ mbeyaka dia nyɔi kande kaki ohomba. Anto akina hawoleke mbeya kitshimudi ya nyɔi ka Yeso. Kakɔna kafɔnyayɛ, onde nyɔi ka Yeso kekɔ la wahɔ le yɛ ndo le mi?” Tshikande akadimole. Ɛnyande lohoso la l’ɔkɔngɔ la Tshoto y’Etangelo ya Ngɔndɔ ka sato 1, ndo nyɔsɛdingole kaamɛ dimbola dia ntondo ndo nyadia kaanga divɛsa ɔtɔi. Shande periodikɛ, ndo okana la nde dia nyu ndjɔsɛdingola dimbola dikina mbala kayaye.

Tshoto y’Etangelo Ngɔndɔ ka sato 1

“Anto efula ndjambolaka lande na kahakomiya Nzambi awui wa wɛngiya ndo asui l’andja ɔnɛ. Onde wɛ fɔnyaka dia ekɔ nɛ dia Nzambi hayakiyanya lo dikambo sɔ ko kana nɛ dia nde ekɔ lo mɛna dia keema kɔlɔ anto nsowa? [Tshikande akadimole. Oma laasɔ, adia Joani 3:16.] Kaanga mbashila anto efula divɛsa sɔ dia mɛnya ɔnɛ Nzambi ndjakiyanyaka lo dikambo dia wɔ, vɔ hawoleke mbeya woho wakondjawɔ wahɔ oma lo nyɔi ka Ɔna Nzambi. Periodikɛ kɛnɛ mɛnyaka dia diɛsɛ la nyɔi ka Yeso, awui wa wɛngiya ndo asui wayokomɛ la nkɛtɛ.”

Réveillez-vous ! Ngɔndɔ ka sato

“Tekɔ lo tasawola l’anto lo tshena pe dia mbakimanyiya dia vɔ nɔngɔsɔla eokelo kele la wɔ lo kɛnɛ kendana la divɛsa dia lo Bible nɛ. [Adia Etatelu 1:1.] Anto amɔtshi mbetawɔka di’andja ɔnɛ wakatongama, koko akina hawetawɔ. Onde dimi koka mbeya kanyi yayɛ lo dikambo sɔ? [Tshikande akadimole.] Anto efula wekɔ l’okakatanu dia mbetawɔ di’andja ɔnɛ wakatongama, nɛ dia ewandji w’ɛtɛmwɛlɔ wekɔ lo mbaetsha wetshelo ɛmɔtshi wele bu lo Bible. Periodikɛ kɛnɛ mɛnyaka elembetshielo w’eshika ndo wakokaso mbɛkɛ otema washa Bible wa woho wakatatɛ andja ɔnɛ.”