Wɛ koka ngɛnangɛna l’ɛtshɔkɔ wa pondjo w’oma le Nzambi ka ngandji

• Onde wɛ kombolaka ntshungɔ oma lo andja w’oludi l’ata, awui wa ngala, ndo ewanu?

• Onde wɛ kombolaka ndjɔsɛna l’andja wele hemɔ, asui ndo nyɔi aya bu?

• Onde wɛ kombolaka ndjotshungɔ oma lo shɔkɔ ndo ekiyanu?

• Onde wɛ kombolaka ndjodjasɛ lo dihole diele mpokoso y’oma lo diangɔ diakatongama yaya bu?

Nzambi kaso ka ngandji, Otungi wa okama aso wa nkɛtɛ w’olangala ɔnɛ, akalake dia ntshɔkɔla anto lo mbasha lɔsɛnɔ la wɔladi ndo lele l’awui washa ɔngɛnɔngɛnɔ wa pondjo. Dui sɔ keema dɔ di’anyanya.

Lo asawo wayela, tambokɔlɔmba dia wɛ nsɛdingola:

• Woho wayaoka Otungi aso lo dikambo di’anto

• Kɛnɛ katosholɛ Nzambi l’Ɔtɛkɛta ande wakafundama

• Kɛnɛ kakatosholɛ amvutshi wa Nzambi lo dikambo di’ɛtshɔkɔ wakandatolake

• Kɛnɛ kakokaso nsala dia sho monga l’ɔngɛnɔngɛnɔ oma ko kakianɛ ndo dia sho ndjokondja ɛtshɔkɔ wa pondjo watolaka Nzambi lo nshi yayaye

Totate la nsɛdingola diangɔ tshɛ diakatolake Nzambi diɛnya dia nde ndjakiyanyaka lo dikambo diaso.