Onde Ɛmɛnyi wa Jehowa wekɔ la ewandji w’ɛtɛmwɛlɔ wafutama?

Lo ndjela ɛnyɛlɔ k’Akristo wa lo ntambe ka ntondo, Ɛmɛnyi wa Jehowa bu la ewandji. Wanɛ tshɛ wambobatizama wekɔ ekambi wakalongola ɔkɛndɛ ndo vɔ ndjashaka l’olimu w’esambishelo ndo wa mbetsha. Ɛmɛnyi wa Jehowa kongɛma lo tshumanelo diele l’anto oko 100. Apami wambotshunda lo nyuma wa lo etshumanelo tshɛ kambaka oko “dikumanyi.” (Tito 1:5) Vɔ hawofutama l’ɔtɛ wa elimu wakambawɔ.