“Nzambi ekɔ ngandji”

1. Nzambi ka ngandji mbat’ate:

‘Tolange mboka yande.’

Tolange Nzambi ndo anto

Dia sho monga anande.

Lo ntsha ngasɔ, tayonga la

Lɔsɛnɔ layangaso.

Ngandji kel’oko ka Kristo

Mbahomba monga la so.

2. Ngandji k’akambo wa mɛtɛ

Ndo kaki Nzambi Shɛso,

Mbele lo totshutshuya dia

Sho nanga anangɛso.

Ngandji kekɔ pudipudi;

Ngandji bu la kandjema.

Ngandji kekɔ mɛt’ɔlɔlɔ.

Ndo nto, tɔ mbikikɛka.

3. Tatombanɛke ekomba,

Todimanyiyanake.

Tendɛke le Nzambi kaso,

Kele nde katetshake:

Dia sho mbooka ngandji ndo

Nangak’anto akina.

Sho la dia monga la ngandji

Kel’oko ka Jehowa.