EKADIMWELO LO AMBOLA W’OMA LO BIBLE
Ngande wakokayɛ monga ombutshi w’ɔlɔlɔ?
Onde wɛ mbetshaka ɔnayɛ dia nanga Nzambi?
Nkumbo kele ambutshi mbokanaka ngandji ndo nɛmiyanaka lam’asawɔ ekɔ dihole dia dimɛna efula di’ana mbola. (Kɔlɔsayi 3:14, 19) Ambutshi w’ɛlɔlɔ nangaka anawɔ ndo mbawandolaka oko wakandola Jehowa Nzambi Ɔnande.—Adia Mateo 3:17.
Shɛso lele l’olongo pokamɛka ekambi ande ndo nde mbidjaka yimba lo ekiyanu awɔ. Ambutshi salaka la wolo dia mbokoya ɛnyɛlɔ kande ndo pokamɛka dimɛna kɛnɛ kawatɛ anawɔ. (Jakɔba 1:19) Vɔ pombaka mbeya ekiyanu w’anawɔ oyadi tokanyi ta kɔlɔ tele la wɔ.—Adia Walelu 11:11, 15.
Ngande wakokayɛ mbodia ana dia vɔ ndjɛmba ɛkɛndɛ awɔ dimɛna?
Oko weyɛ ombutshi, wɛ ekɔ la lowandji la mbidja wadjango. (Ɛfɛsɔ 6:1) Yela ɛnyɛlɔ kaki Nzambi. Nde mɛnyaka ngandji kokande anande lo mbalembetshiya hwe wadjango wawashande ndo etombelo wakoka monga lawɔ naka vɔ hawokitanyiyisha. (Etatelu 3:3) Koko lo dihole dia nde ntshutshuya anto dia nkitanyiya la wolo, nde mbaetshaka woho wakokawɔ nkondja wahɔ oma lo nsala kɛnɛ kele ɔlɔlɔ.—Adia Isaya 48:18, 19.
Yadjɛ oyango wa nsala dui sɔ dia nkimanyiya anayɛ dia nanga Nzambi. Lo nsala ngasɔ, vɔ wayosala akambo la lomba oyadi etena kewɔ bu laleyɛ. Lam’ele Nzambi mbetshaka lo mbisha ɛnyɛlɔ, etsha anayɛ dia nanga Nzambi oma l’ɛnyɛlɔ kayɛ.—Adia Euhwelu k’Elembe 6:5-7; Ɛfɛsɔ 4:32; 5:1.