Tayeka Dibuku Ɔngɛnɔngɛnɔ wa Lo Nkumbo

Nyayɔngɛnangɛna dia mboka ɔnɛ tatɛ oma lo lomingu la Kɔlɛkɔlɛ 6, 1997, tayɔsɛdingola dibuku Sheke y’Ɔngɛnɔngɛnɔ wa lo Nkumbo lo wekelo wa dibuku wa l’etshumanelo. Ndoko onto layolanga pandja wekelo ɔsɔ wa l’olui w’ehomɔ kɛsɔ kasungana ndo katɔlɔmbɔla l’ekimanyielo k’Afundelo dia sho monga la lɔsɛnɔ l’ɔngɛnɔngɛnɔ l’atei a nkumbo. Ekongelo ka wekelo akɔ kayotokimanyiya dia sho sɛdingolaka odingɔ tshɛ dimɛna dimɛna ndo divɛsa tshɛ diofundami lo dibuku diakɔ.

Tshapita ya ntondo yayekama tshɛ lo lomingu la ntondo, nɛ dia yɔ kema l’avɛsa efula woshidiwɔ. Kânga ndo tshapita 15 yayekama mbala ɔtɔi l’ɔkɔkɔ akɔ wamɛ. Koko, tayekaka totshapita tokina tshɛ mbala hiende, kɛdikɛdi mbekaka oko etenyi ka l’ahende lomingu tshɛ. Ngasɔ kayongaka wonya efula dia mbadia ndo mbisha kɔmatɛrɛ lo avɛsa tshɛ woshilami ndo dia mbeya woho wa kamba dimɛna l’avɛsa tshɛ wosangodiwɔ ɛtɛkɛta w’oma lɔkɔ l’odingɔ tshɛ.

Ɔsɛdingwelo wa wembola w’ovuswelo watanema lo kiombokombo ya l’ekomelo ka tshapita tshɛ ekɔ dui dimɔtshi di’ohomba diayosalemaka lo wekelo akɔ. Omalɔkɔ, ayohombamaka tshikaka wonya efula dia ndjokadimula wembola akɔ ndo sɛdingola avɛsa woshilami lɔkɔ.

Tambɔlɔmba anɔmbɔdi wa wekelo wa dibuku dia vɔ nɔngɔsɔlaka wekelo akɔ dimɛna efula; vɔ wayokeketshaka wanɛ wele l’olui awɔ, kâmɛ ndo eyoyo, dia vɔ ndjalɔngɔsɔlaka dimɛna, ndjâka nshi tshɛ lo losanganya ndo mbishaka kɔmatɛrɛ.​—⁠om 75-7.