Kondja Ɛlɔlɔ Tshɛ W’oma Lo Kalasa Kɔtɔyɛ

¹ Etena kɛnɛ ka l’ɔnɔnyi mbatokumaka ɛlɔngɔlɔngɔ efula akumu ato ɔnɛ: “Kalasa ambodihɔ!” Kânga mbele odihwelo wa kalasa ekɔ oko tɔfwɛfwɛ ndo ekiyanu, vɔ wekɔ ɔlɔlɔ efula le ɛlɔngɔlɔngɔ l’esekaseka wayatshutshuya dia kondja ɛlɔlɔ tshɛ w’oma lo kalasa yɔtɔwɔ.

² Naka oma ko tshatelo onto akeke kalasa dimɛna, kete dui sɔ diayowokimanyiya dia nde pama lo nyuma. Kɛnɛ kasala onto lo nshi yande ya dikɛnda mongaka la shɛngiya ya wolo efula lo kɛnɛ kayondoyosala lam’ayondonga opalanga. Kânga l’akambo wa kalasa, “untu tshe ayuna diango diakandune.” (Ngal. 6:⁠7) Ɛlɔngɔlɔngɔ weka awui wâlakanyawɔ la kalasa dimɛna kokaka mbeya akambo efula wokoki ndjowaetɛ ohomba efula lo asho wa Jehowa.

³ Pombaka takani yimba ntondo dia sɔna kalasa ka ndjela. Ambutshi pombaka kimanyiya anawɔ dia vɔ sɔna kalasa yokoki ndjâkimanyiya dia vɔ mbeya olimu woleki sungana woho wa vɔ kotsha eyango awɔ wa lo nyuma. Lo fudia diewo diawɔ, ɛlɔngɔlɔngɔ kokaka monga la diɛsɛ dia ndjoyâkotshɛ ehomba awɔ wa l’emunyi etena kakambawɔ ndo olimu w’ombatshi mboka. Wetshelo wakondjawɔ lo kalasa oma k’etatelo pombaka mbâkimanyiya dia vɔ tombola Jehowa oyadi lo dihole diakɔna tshɛ diawokambɛwɔ.

⁴ Ɛlɔngɔlɔngɔ, nyohembe dia kondja ɛlɔlɔ tshɛ w’oma lo kalasa yɔtɔnyu, la kanyi ya monga la lɔsɛnɔ l’ɔngɔnyi l’olimu w’ekila, koko aha l’olimu wa l’andja ɔnɛ. Nyosale tshɛ dia salaka lolango la Jehowa lo lɔsɛnɔ lanyu l’otondo. Lo yoho shɔ, mbayonyɔngɔna lo akambo anyu, dia lotombo la Jehowa.​—⁠Osam. 1:⁠3.