‘Anto Wɔlɔngɔswami Dimɛna Dia Ntsha Olimu Tshɛ W’ɔlɔlɔ’

¹ Ekambi wa Jehowa wekɔ lo kondja nshi nyɛ mbo ya ndɛ ya lo nyuma y’amɛna efula tshavutshavu. (Is. 25:⁠6) Tekɔ la lokema l’asawo w’oma lo Bible wa sɛdingola lo wekelo aso w’onto ndamɛ kana wa lo nkumbo, lo nsanganya ya l’etshumanelo ndo lo nsanganya ya weke. Ko onde takondjakɔ wahɔ oma lɔkɔ l’oyango wa monga ‘l’akoka tshɛ wahombama, anto wɔlɔngɔswami dimɛna dia ntsha olimu tshɛ w’ɔlɔlɔ’?​—⁠2 Tim. 3:⁠17.

² Nyɛsɔ tokanyiya yema lo mbo ya ndɛ ya lo nyuma y’ɔnɔnyi ɔnɛ wa 1998 wambolekana l’atei atei! Lo nsanganya yɔtɔso lomingu tshɛ l’etshumanelo, sho tasholaka yema yema atshina w’akambo wele lo abuku 23 wa l’Afundelo wa lo Grɛkɛ w’Akristo, sho kanaka yimba lo lɔsɛnɔ lakasɛnaka anto 49 wa lo Bible l’ekimanyielo ka dibuku Auxiliaire pour une meilleure intelligence de la Bible ndo sho sɛdingolaka ndjɛkɛ 138 ya dibuku Prédicateurs. Sho mbekaka ndo etenyi ɔtɔi k’asato ka dibuku Ewo, suke la dibuku di’otondo dia Ɔngɛnɔngɛnɔ wa lo Nkumbo, kâmɛ ndo dibuku Ewo di’otondo. Lâdiko dia lâsɔ, sho ndɛka oma lo numɛlɔ 12 ya Olimu Aso wa Diolelo, asawo 52 wa Tshoto y’Etangelo ndo asawo wa lo sɛkɛ suke la lofulo lɔsɔ watɛkɛta akambo wa weho weho. Sho kondjaka mbo ya ndɛ ndo oma lo nsanganya ya weke. Ande lokema la mbo ya lo nyuma yakondjaso lee!

³ Tɔngɛnɛngɛnɛ Tɛdikɔ Tɔsa Jehowa: Dia kondja ɛlɔlɔ tshɛ w’oma lo tɛdikɔ tɔsɔ, sho pombaka mbeya bonde katosha Jehowa diangɔ efula ngasɔ. Lam’ayotɔlɛka diangɔ sɔ di’amɛna, tayokeketshaka mbetawɔ kaso ndo diokanelo diasaso la nde. (1 Tim. 4:⁠6) Koko, hawotosha mbo ya ndɛ ya lo nyuma paka dia sho mbeya tsho. Yɔ tosokoyaka dia sho mbewoya anto akina sɔlɔ ndo tɔlɔngɔsɔlaka dia monga ekambi wa tomanamana wa lokumu l’ɔlɔlɔ.​—⁠2 Tim. 4:⁠5.

⁴ Tatonyake yimba oma l’ehomba aso wa lo nyuma pondjo, koko katongake nshi tshɛ la saki ka wolo ka ngɛnangɛnaka lokema la tɛdikɔ ta lo nyuma t’oma lo mɛsa wa Jehowa ndo tashidiya saki kaso. (Mat. 5:3; 1 Pet. 2:⁠2) Dia sho kondja ɛlɔlɔ tshɛ w’oma lɔkɔ, ekɔ ohomba sho mbetshaka wenya efula ndo tena tshɛ lo wekelo aso wa Bible w’onto ndamɛ ndo wa lo nkumbo, ndo lo ntshɔka lo nsanganya. (Ef. 5:​15, 16) Ɛlɔlɔ wayotokondja oma lɔkɔ wayɛdima l’ekeketshelo kakasha Paulo Akristo wa kɔlamelo w’Ase Hɛbɛru l’ɛlɔmbwɛlɔ ka nyuma k’ekila lo Heberu 13:​20, 21.