Onde Ayokoka Sho Kahɛ Anto Dibuku Créateur?

Ɔnɔnyi wetshi, sho tshɛ takangɛnangɛna lam’akatalongola dibuku Y a-t-il un Créateur qui se soucie de vous? Ongo ekɔ dibuku diakalɔngɔswama paka lo dikambo di’anto wele ondo hawetawɔ Nzambi kânga mbakawɔtɔ kalasa efula ya l’andja ɔnɛ. Dibuku ndo diekɔ lo kotsha ehomba wataleke fulanɛ tsho wele l’anto.

Lo yoho yakoka mɛtɛ, ekanda watotokahɛka anto lo ngɔndɔ ele wɛnɛ waleka kotola yambalo y’anto efula. Onde lâsɔ kɛdikɛdi paka sho tshika kahɛ anto dibuku Créateur? Kema! Sho kokaka tombaka la dibuku nɛ l’edja k’ɔnɔnyi w’otondo dia takahɛka wanɛ wahetawɔ Nzambi ndo wakoka kimanyiyama la diɔ. Sho kokaka disha kânga wanɛ wetawɔ Nzambi koko haweye ndoko dui lo kɛnɛ kendana la lonto lande, waonga ande ndo asangwelo ande. Ɔnkɔnɛ, tambokokeketsha dia wɛ mɛmbaka dibuku dimɔtshi lo tapa diayɛ dia l’esambishelo ndo onga suke suke dia wɛ disha onto tshɛ lafɔnyayɛ wate ayɔngɛnangɛna wadielo adiɔ.