Tokambake dimɛna la bandɛ video La Bible : le livre le plus ancien toujours d’actualité
Wembola wayela ɛnɛ mɛnyaka akambo wakayakoke mɛna lam’akanyende bandɛ ka video kɛnɛ: (1) Awui akɔna watshikitanya Bible l’abuku akina tshɛ? (2) Sha ɛnyɛlɔ kɛmɔtshi kɛnya dia kânga mbele Bible kekɔ dibuku di’edjedja, tɔ mbɔtɔnɛka l’awui wa siansɛ wa nshi nyɛ. (3) Ngande wakokaso shikikɛ ɔnɛ awui wele lo Bible kele laso ɛlɔ kɛnɛ hatshikitanyi la wanɛ wakafundama lo efundelo wa ntondo? (4) Dikambo diakɔna dia lânde diatanema lo weho wa wɛɔmbɔ wa Bible w’edjedja ndo eshikikelo kakɔna kakosha dikambo sɔ? (5) Lo weho akɔna wakasha John Wycliffe, Johannes Gutenberg, William Tyndale, Mary Jones, ndo Charles Taze Russell lonya dia Ɔtɛkɛta waki Nzambi diangana l’andja w’otondo? (6) As’ɛtɛmwɛlɔ ngande wakawalɔsha Bible la wolo tshɛ, ndo kakɔna kakakimanyiya dia tɔ koma polo ndo lo nshi yaso nyɛ? (7) Polo ndo lo yɛdikɔ yakɔna yambokadimola ndo yambofunda ɔlɔngɔswamelo wa Jehowa waa Bible? (8) Ngande wambokimanyiyama anto oma l’alako w’amɛna wele lo Bible wendana la tɔkɛnyɔ ta falanga (1 Tim. 6:9, 10), l’ohandjwelo wa diwala ndo loseka (1 Kor. 13:4, 5; Ef. 5:28-33), ndo lo woho wamboleka ndjasha anto dia kondja lomombo la l’emunyi (Mat. 16:26)? (9) Djembetelo yakɔna yɛnya dia naka anto kitanyiya atɔndɔ wa lo Bible, kete vɔ koka tondoya akambo wendana la lohetsho lele lam’asa ase wedja, waoho, ndo nkoho ya demba yele l’ase andja ɔnɛ? (10) Lo toho takɔna takayakondja ɔngɛnɔngɛnɔ w’efula lo mbeka awui wa lo Bible? (11) Anto akɔna wafɔnyayɛ wakoka kondja wahɔ oma lo bandɛ ka video kɛnɛ ndo ngande wayoyokamba latɔ dia mbâkimanyiya?