Woho Wa Mbisha Anto Periodikɛ

Tshoto y’Etangelo Ngɔ. ka 11, 15

MBEWOYAKA DIOLELO DIAKI JEHOWA

“Sho mbokaka mbala mɔtshi anto wata ɔnɛ: ‘Yeso shimbɛka’ kana ‘Yeso akavu dikambo diaso.’ [Shila Joani 3:16.] Onde wɛ amboyambolaka dia mbeya woho wakoka nyɔi k’onto ɔtɔi toshimbɛ sho tshɛ? [Tshikande akadimole.] Bible mbishaka okadimwelo wa hwe lo wombola ɔsɔ. Sawo nɛ diele l’ɔtɛ a dui ɔnɛ: ‘Ngande Washimbɛ Yeso Anto?,’ nembetshiyaka dikambo sɔ hwe.”

Réveillez-vous! Ngɔ. ka 11, 22

“Onde anto wekɔ lo sala tshɛ kakokawɔ sala dia kokɛ ahole wodjashiwɔ? [Tshikande akadimole.] Anto efula ndjambolaka dia kana tokodjasɛ lushi lɔmɔtshi la nkɛtɛ aha la ndanya ahole wodjashiso. Diɛsɛ ko Nzambi ndjakiyanyaka lo dikambo sɔ. [Adia Nehemiya 9:⁠6.] Réveillez-vous ! ɔnɛ tɛkɛtaka woho wayonga lɔsɛnɔ la nkɛtɛ lo nshi yayaye.”

Tshoto y’Etangelo Ngɔ. ka 12, 1

MBEWOYAKA DIOLELO DIAKI JEHOWA

“L’etenyi k’ɔnɔnyi keso kɛnɛ, anto efula wekɔ lo ndjalɔngɔsɔla dia mbishana weshasha ndo sala etsha ekina w’ɔlɔlɔ. Kɛsɔ toholaka Yɛdikɔ ya Tshanela. [Adia Mateu 7:12.] Onde wɛ fɔnyaka dia kokaka sho ndjela ɛtɛkɛta ɛsɔ ɔnɔnyi w’otondo? [Tshikande akadimole.] Periodikɛ kɛnɛ tolembetshiyaka awui efula lo sawo diele l’ɔtɛ a dui ɔnɛ: ‘Onde Yɛdikɔ ya Tshanela Yekekɔ Ohomba?’ ”

Réveillez-vous! Ngɔ. ka 12, 8

“Bible ndakaka dia lushi lɔmɔtshi ndoko onto layokoka mbuta ɔnɛ, ‘Dimi lekɔ la hemɔ.’ [Adia Isaya 33:24.] Lo ndjela daka sɔ, Réveillez-vous ! ɔnɛ ekɔ lo tɛkɛta dikambo dia hemɔ kɛmɔtshi kambɛnya miliyɔ y’anto pâ, oyadi akɛnda kana epalanga. Vɔ mbutaka ɔnɛ ‘Wanɛ Wele la Hemɔ ya l’Asɔnga Wekɔ l’Ɛkɔkɔ wa Monga l’Elongamelo.’ Dimi la mbetawɔ nte, wɛ ayɔngɛnangɛna asawo wa lɔkɔ.”