Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 3, 15

MBEWOYAKA DIOLELO DIAKI JEHOWA

“Onde wɛ hetawɔ di’ɔnɔmbɔdi w’ɔlɔlɔ kokaka mbetɛ nkɛtɛ kɛnɛ dihole dia dimɛna dia mbidjasɛ? [Tshikande akadimole.] Lam’alangɛ hokamɛ kɛnɛ katolaka Bible. [Adia Osambu 37:11.] Sho koka monga la wɔladi wa ngasɔ, wɔladi wele anto wayonga lawɔ l’ɛlɔmbwɛlɔ k’Ɔnɔmbɔdi wa kokele watɛnyawɔ l’asawɔ anɛ.”

Réveillez-vous! Ngɔ. ka 3, 22

“Adidimu wa nkɛtɛ koka ndjaka anto heyama ndo ndanya diangɔ woho w’anyanya. Mbala efula, wanɛ wahandɔ pombaka mvudu ya mbidjasɛ ndo woho wa tatɛ lɔsɛnɔ nto. Numɛlɔ kɛnɛ ka Réveillez-vous ! mɛnyaka woho wakatondoya anto wakahomana la mpokoso shɔ ekakatanu watongaka l’ɔkɔngɔ wa didimu dia nkɛtɛ. Tɔ nembetshiyaka nto woho wele adidimu wa nkɛtɛ wekɔ l’atei wa prɔfɛsiya y’ohomba ya lo Bible.”

Tshoto y’Etangelo Ngɔ. ka 4, 1

MBEWOYAKA DIOLELO DIAKI JEHOWA

“Lambolanga kewoya kanyi mɔtshi yasalanganya asolo y’oma lo Bible. [Adia Mateu 22: 37.] Oko le yɛ, dikambo sɔ alangadiɔ nembetshiya? [Tshikande akadimole.] Ohenda sawo nɛ diata ɔnɛ ‘Yanga Nzambi l’Otema ndo la Yimba Yayɛ.’ Onde mbetawɔ ka mɛtɛ mendanaka tsho paka l’otema, kana tɔ mendanaka nto ndo la yimba? Okadimwelo wa wombola ɔsɔ ayokosha wetshelo w’ohomba.”

Réveillez-vous! Ngɔ. ka 4, 8

“Oko weyayɛ, mɛmba ɔkɛndɛ wa nkumbo nshi nyɛ ekɔ dikambo dia wolo efula, ndo monga mama ka nkumbo bu dui dia tshitshɛ. Numɛlɔ kɛnɛ ka Réveillez-vous ! kekɔ la sawo di’ohomba diele l’ɔtɛ a dui ɔnɛ ‘Dia Monga Mama ka Nkumbo, Onde Nɔmbaka dia Ndjala l’Akoka wa Lânde?’ Dimi nangaka kotshikɛ periodikɛ kɛnɛ.”