Woho wa mbisha anto periodikɛ

Tshoto y’Etangelo Ngɔ. ka 3, 15

“Tena efula anto tɛkɛtaka di’oyelo wa Yeso Kristo. Onde wɛ fɔnyaka dia ɔsɔ ekɔ dui diahombaso nongamɛ kana mboka wɔma? [Tshikande akadimole.] Tende woho wakayaoke Joani, ofundji ɔmɔtshi wa Bible lo dikambo sɔ. [Adia Enyelo 22:20.] Periodikɛ kɛnɛ nembetshiyaka kɛnɛ kayoyosala Kristo etena kayondoya.”

Réveillez-vous! Ngɔ. ka 3

“Mɛnamaka dia ewandji efula wa lo andja ɔnɛ w’otondo wekɔ la otako efula. Onde wɛ fɔnyaka dia dionga sɔ kimanyiyaka dia wɔladi monga ndo kâmɛ monga l’andja ɔnɛ? [Tshikande akadimole.] Divɛsa nɛ mɛnyaka kɛnɛ kata Bible lo dikambo dia otako. [Adia Tukedi 16:18.] Sawo nɛ nembetshiyaka wahɔ wakondja onto lo monga l’okitshakitsha.” Tɛkɛta dia sawo diotate lo lɛkɛ 20.

Tshoto y’Etangelo Ngɔ. ka 4, 1

“Suke la lushi tshɛ sho ndjaokaka ambola wendana la yônge yaso, la nkumbo kaso ndo la olimu aso. Lende afɔnyayɛ akokaso tana ekadimwelo w’eshika ndo w’ɔlɔlɔ? [Tshikande akadimole.] Enda kɛnɛ kata Bible lo 2 Timote 3:16. [Adia.] Periodikɛ kɛnɛ mɛnyaka woho wakoka Bible tokimanyiya lo toho efula t’ɔlɔlɔ.”

Réveillez-vous! Ngɔ. ka 4

“Lo ahole efula wa lo andja, anto mɛnaka dia ɛlɛmbɛ wendana la lɔkɛwɔ l’ɔlɔlɔ wekɔ lo talana. Onde ndo wɛ mbɛna dui diakɔ? [Tshikande akadimole.] Awui wɛnaso nshi nyɛ kotshaka prɔfɛsiya kɛmɔtshi ka lo Bible. [Adia 2 Timote 3:​2-4.] Periodikɛ kɛnɛ mɛnyaka kɛnɛ kalembetshiya olanelo wa ɛlɛmbɛ wendana la lɔkɛwɔ l’ɔlɔlɔ ndo lɛnɛ atatɔlɛ dui sɔ anto.”