Woho wa mbisha anto periodikɛ

Tshoto y’Etangelo Ngɔ. ka 3, 15

“Efula ka l’atei aso tambokaka kandji ka mvusha lakiso ɔmɔtshi la ngandji. Onde wɛ mbeyaka dimɛna daka diasha ekeketshelo nɛ? [Adia Etsha 24:15. Tshikande akadimole.] Anto efula ndjambolaka ɔnɛ: Waa na wayolɔ? Etena kakɔna kayonga eolwelo? Ndo lende ayonga eolwelo kakɔ? Periodikɛ kɛnɛ mbishaka ekadimwelo w’oma lo Bible lo ambola asɔ.”

Réveillez-vous! Ngɔ. ka 3

“Anto efula mbetawɔka ɔnɛ Yeso ekɔ Nzambi. Petero, ombeki ɔmɔtshi waki Yeso akate dia nde ekɔ ɔna Nzambi. [Adia Mateu 16:16.] Onde wɛ fɔnyaka dia Yeso kokaka monga ele Nzambi ko ele ndo ɔna Nzambi? [Tshikande akadimole.] Periodikɛ kɛnɛ, mɛnyaka kɛnɛ kata Bible lo dikambo sɔ, lo lɛkɛ 12-13.”

Tshoto y’Etangelo Ngɔ. ka 4, 1

“Ɛtɛkɛta weyama efula ɛnɛ mɛnyaka ohomba wa monga la ewo kaki Nzambi. [Adia Mateu 4:⁠4.] Koko, anto efula fɔnyaka dia ekɔ wolo monga la eokelo ka Bible. Onde ndo wɛ mbafɔnya ngasɔ? [Tshikande akadimole.] Periodikɛ kɛnɛ mbishaka alako w’eshika wakoka kokimanyiya dia wɛ monga la eokelo ka Bible.”

Réveillez-vous! Ngɔ. ka 4

“Anto efula salaka la wolo tshɛ dia monga l’ɔngɛnɔngɛnɔ, koko atɔi ato monga lawɔ. Onde wɛ fɔnyaka dia awui tshɛ woshidiwɔ lanɛ kokaka tokimanyiya dia monga la lɔsɛnɔ l’ɔngɛnɔngɛnɔ? [Ɛnyande kiombo yele lo lɛkɛ 9. Oma lâsɔ ko wɛ mbadia divɛsa dimɔtshi lo anɛ woshilami.] Réveillez-vous! ɔnɛ mɛnyaka alako washa Bible dia onto monga l’ɔngɛnɔngɛnɔ wa mɛtɛ.”