Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 4, 15

MBEWOYAKA DIOLELO DIAKI JEHOWA

“Oyadi dihole diakɔna diodjashiwɔ, anto kombolaka sɛna lo wɔladi, ɛnyɛlɔ kondja olimu w’oshika ndo tetemala la kamba olimu akɔ. Ko onde wɛ mbeyaka dia ekɔ kiɔkɔ mɔtshi y’ekokelo ka pondjo yayotosha wɔladi wa pondjo? [Adia Osambu 16:​8, 9.] Numɛlɔ kɛnɛ ka Tshoto y’Etangelo nembetshiyaka lɛnɛ akokaso tana ekokelo k’oshika.”

Réveillez-vous! Ngɔ. ka 4, 22

“Ɛlɔ kɛnɛ, anto efula wekɔ lo tomba oma l’ɛtɛmwɛlɔ wa weke ko tshɔ dia tɔtɛmɔla Nzambi lo toho tawɔ vɔamɛ. Akanayɛ lo kɛnɛ kendana la tshelo shɔ? [Tshikande akadimole.] Bible mɛnyaka dia yoho yatɛmɔlaso Nzambi yekɔ ohomba efula lo washo ande. [Adia Joani 4:24.] Numɛlɔ ka Réveillez-vous ! kɛnɛ tɛkɛtaka dikambo dia yoho ya dimɛna efula ya kotsha ehomba aso wa lo nyuma.”

Tshoto y’Etangelo Ngɔ. ka 5, 1

MBEWOYAKA DIOLELO DIAKI JEHOWA

“Onde wɛ mbeyaka onto ɔmɔtshi lele baka la hemɔ kana lele l’ɛkɔmɔ kɛmɔtshi? Wɛ mbetawɔka aha la tâmu di’anto wa ngasɔ wekɔ l’ohomba w’ekeketshelo. Ko ahombaso mbatɛ dia mbakeketsha? Bible ekɔ l’ɛtɛkɛta washa elongamelo. [Adia Isaya 35:​5, 6.] Numɛlɔ kɛnɛ ka Tshoto y’Etangelo mɛnyaka bonde kakokaso monga l’eshikikelo dia prɔfɛsiya kɛnɛ kayokotshama.”

Réveillez-vous! Ngɔ. ka 5, 8

“L’ɔnɔnyi wetshi ɔnɛ, mbakaleke wɔladi monga lo wâle. Onde wɛ fɔnyaka dia mandji y’anto yekɔ l’akoka wa mbela andja wa wɔladi? [L’ɔkɔngɔ w’okadimwelo ande, ko wɛ mbadia Isaya 2:⁠4.] Numɛlɔ kɛnɛ ka Réveillez-vous ! mɛnyaka bonde kakokaso monga l’eshikikelo dia kem’edja tayɔsɛna l’andja wa wɔladi.”