Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 3, 15

MBEWOYAKA DIOLELO DIAKI JEHOWA

“Onde wɛ fɔnyaka dia wetshelo waki Yeso wekɔ ohomba lo nshi yaso nyɛ? [Tshikande akadimole.] Aha la tâmu, wɛ ayetawɔ didjango nɛ diakasha Yeso lushi la komelo ka lɔsɛnɔ lande la lanɛ la nkɛtɛ. [Adia Joani 15:12.] Yeso aketsha nto awui akina w’ohomba efula lushi lakɔ. Tshoto y’Etangelo nyɛ mɛnyaka woho wakokaso kondja wahɔ oma lo wetshelo ɛsɔ.”

Réveillez-vous! Ngɔ. ka 3, 22

“Onde wɛ hɛnyi dia nshi nyɛ anto efula wekɔ l’okakatanu dia ndala djɔ dimɛna? [Tshikande akadimole.] Ekiyanu ndo nyangu koka konya anto di’aha vɔ ndala djɔ dimɛna. [Adia Undaki 5:12.] Periodikɛ kɛnɛ mɛnyaka akambo amɔtshi wahalasha anto djɔ, ndo tɔ mɛnyaka woho wakokaso ndowanya mbekelo yaso yendana l’olalelo wa djɔ.”

Tshoto y’Etangelo Ngɔ. ka 4, 1

MBEWOYAKA DIOLELO DIAKI JEHOWA

“Lanɛ wambotɛnya dambo dimɔtshi dielɛwɔ ɔnɛ Dambo di’Ekomelo dia Dikɔlɔ. [Ɛnyande lɛkɛ la ntondo ndo la komelo la periodikɛ.] Onde wɛ mbeyaka dia ɔsɔ mbele dikambo ɔtɔi diakawadjangɛ Akristo dia mbohɔka? [Tshikande akadimole. Oma lâsɔ ko wɛ mbadia Luka 22:19.] Periodikɛ kɛnɛ nembetshiyaka bonde kele dikambo sɔ diekɔ ohomba efula ndo woho akɔna wendanadiɔ la yɛ.”

Réveillez-vous! Ngɔ. ka 4, 8

“Kema ekɔ kandji lo mɛna woho wambolanya ɛlɔngɔlɔngɔ l’esekaseka nsɛnɔ yawɔ l’ɔtɛ w’ɔnwɛlɔ wa nɔnɔ dia wolo? [Tshikande akadimole.] Mbala efula ekakatanu tatɛka tomba etena katambɛ akɛnda l’ɛnɔngɔ w’anto wele la ditshelo dia kɔlɔ. [Adia 1 Koreto 15:33.] Réveillez-vous! ɔnɛ mɛnyaka kɛnɛ katshutshuya ɛlɔngɔlɔngɔ l’esekaseka dia vɔ tatɛ nnɔ dinɔnɔ dia wolo ndo kɛnɛ kakoka ambutshi sala dia mbakokɛ oma lo dikambo sɔ.”