Kɛnɛ Katotshutshuya dia Nanga Tshunda di’Otondo di’Anangɛso
L’andja ɔnɛ waya anto bu la ngandji, ngande wakokaso tetemala la monga la ngandji k’efula otsha le anangɛso wa lo nyuma na? (1 Pet. 2:17) Ngande wakokaso mɛnya anto akina dia tekɔ mɛtɛ la nkumbo ka l’andja w’otondo k’anto l’ɔnango? (Mat. 23:8) Ele lo kamba la bandɛ vidɛo Toute la communauté de nos frères (Tshunda di’Otondo di’Anangɛso.) Tɔ mɛnyaka ɔkɔkɔ weso la ngandji lam’asaso. Enda kana wɛ kokaka kadimola lo wembola ɛnɛ:
(1) Naa elimu esato weso lo kamba kâmɛ l’atei wa nkumbo kaso ka l’andja w’otondo k’anto l’ɔnango na? (2) Ngande wɛnya anangɛso l’akadiyɛso eshikikelo kawɔ ka sambisha (a) l’oswe wa shɛnga wa l’Alaskan, (b) l’abongo wa weke wa l’Erɔpɛ, ndo (c) l’atei wa ngamba y’ekonda ya la Pérou? (3) Ehomɔ kakɔna kaleka tondja etombelo w’ɔlɔlɔ l’esambishelo? (4) Lande na kahatahombe pondjo mbɔsa di’esambishelo ekɔ oko olimu w’anyanya? (5) Sha bɛnyɛlɔ diɛnya woho wakakeketshana ndo wakakimanyiyana Ɛmɛnyi wa Jehowa lo tena dia wolo, ɛnyɛlɔ lam’aki adidimu wa nkɛtɛ, ngembe ya wolo, ndo ata wa lam’asa ase wodja. (Enda kɔmatɛrɛ yaki Takao lo lɛkɛ 23 lo Réveillez-vous! wa Ngɔndɔ k’Enanɛi 22, 1995 ndo yaki Kotoyo lo lɛkɛ 20 la Réveillez-vous! wa Ngɔndɔ ka Dikumi 22, 1996) (6) Lo weho akɔna wɛnama wakokaso sho tshɛ mɛnya djembetelo ya woke yatotshikitanya l’anto akina lo nkumbo kaso k’Akristo na? (Joani 13:35) (7) Nɛmɔ dia ngande diahombaso mbisha nsanganya yaso ya l’etshumanelo? (8) Ngande wakayaoke wanɛ wakakondja Mbalasa ka Diolelo kakiwɔ komongaka la tɔ ntondo? (9) Anangɛso wa l’Erɔpɛ wa l’Ehotwelo ka wonya la wa la Russie woho akɔna wakawatetemala la monga la lonyuma la dimɛna etena kakashimbe lɛɛta olimu awɔ? (10) Kânga ɛlɔ kɛnɛ, naa welo wa lânde wadja Ɛmɛnyi wa Jehowa dia mbɔtɔ lo nsanganya ya weke, ndo lande na? Ko ngande wakakokeketsha dikambo sɔ? (11) Lande na kamboyashikikɛ dia tɛmɔlaka kâmɛ l’etshumanelo, dia kimanyiyaka anto akina lo tena dia dihombo, ndo dia sambishaka la kɔlamelo wonya tshɛ ndo woho tshɛ wakokayɛ? (12) Lande na kahombayɛ monga la bandɛ vidɛo kayɛ wɛmɛ ndo kiɛnya le anto akina efula wele la nsaki?