Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 5, 15

MBEWOYAKA DIOLELO DIAKI JEHOWA

“Tekɔ lo mboka nshi tshɛ nkumu y’awui wa ngala. Onde wɛ fɔnyaka di’awui asɔ wambongaka ntondo? [Tshikande akadimole.] Enda kɛnɛ kata Bible. [Adia Mateu 24:37.] Akambo wa kɔlɔ efula wakasalemaka lo nshi yakasɛnaka Nɔa, diakɔ diele Nzambi akashile anto tshɛ oshiki onyake Nɔa nde la nkumbo kande. Periodikɛ kɛnɛ mɛnyaka woho wele akambo asɔ wekɔ la shɛngiya leso ɛlɔ kɛnɛ.”

Réveillez-vous! Ngɔ. ka 5, 22

“Nshi nyɛ, hemɔ kasambemɛ oma le wodji kekɔ ɔtɔi ɔmɔtshi l’atei w’efula ka wâle wendana la yonge yaso ya demba. Onde wɛ mbeyaka dia wɛ koka mbɔsa tɛdikɔ tɔmɔtshi la ntondo dia ndjakokɛ? [Tshikande akadimole.] Periodikɛ kɛnɛ tɛkɛtaka dikambo dia tɛdikɔ tɔsɔ ndo dia daka diasha Bible diendana l’etena kahatonga hemɔ nto.” Komiya lo mbadia Isaya 33:⁠24.

Tshoto y’Etangelo Ngɔ. ka 6, 1

MBEWOYAKA DIOLELO DIAKI JEHOWA

“Alapɔlɔ wendana la woho wakamba anto yoho ya kɔlɔ la weshasha wakimɔma dia kimanyiya wanɛ wele lo dihombo ambokonya anto dia ndjambola kana ekɔ dikambo dia lomba kimɔ weshasha le atshunda walongola falanga oma le anto dia kimanyiya ase kɛtshi. Koko anto efula wekɔ lo dihombo. Kakɔna kakanyiyayɛ kakoka salema? [Tshikande akadimole. Oma lasɔ ko wɛ mbadia Heberu 13:16.] Periodikɛ kɛnɛ mɛnyaka hwe woho wa weshasha wangɛnyangɛnya Nzambi.”

Réveillez-vous! Ngɔ. ka 6, 8

“Mɛnamaka dia nshi nyɛ anto hawoyɔsa lɔkɛwɔ la pudipudi ndo waonga w’amɛna la nɛmɔ oko waki dikambo sɔ l’ɛnɔnyi wambeta. Onde wɛ ambɛna dia mɛtɛ ngasɔ mbediɔ? [Tshikande akadimole.] Diɛsɛ ko Bible akatatshi ntondo dia dikambo sɔ diayonga. [Adia 2 Timote 3:​1-5.] Réveillez-vous! ɔnɛ mɛnyaka lande na katatshikitana lɔkɛwɔ l’anto ndo kakɔna kayosalema lo nshi yayaye.”