Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 6, 15

MBEWOYAKA DIOLELO DIAKI JEHOWA

“Anto amɔtshi fɔnyaka ɔnɛ Yeso aki onto loleki woke l’ɔkɔndɔ w’anto. Akina ndjambolaka dia kana nde aki la lɔsɛnɔ. Onde kɛnɛ ketawɔso lo dikambo diande kekɔ mɛtɛ ohomba? [L’ɔkɔngɔ w’okadimwelo, ko wɛ mbadia Etsha 4:12.] Naa tolembetelo tɛnya dia Yeso akasɛnɛ mɛtɛ lanɛ la nkɛtɛ? Periodikɛ kɛnɛ nembetshiyaka dikambo sɔ.”

Réveillez-vous! Ngɔ. ka 6, 22

“Anto efula ndjakiyanyaka lo kɛnɛ kendana l’ahole wodjashiwɔ. Onde wɛ fɔnyaka dia tâkakoke kokɛ ngamba y’ekonda? [Tshikande akadimole.] Periodikɛ kɛnɛ mɛnyaka welo wadjama nshi nyɛ dia kokɛ ngamba y’ekonda. Tɔ tɛkɛtaka nto dikambo di’ekotshamelo ka daka dia dimɛna efula nɛ di’oma le Nzambi.” Adia Isaya 11:⁠9.

Tshoto y’Etangelo Ngɔ. ka 7, 1

MBEWOYAKA DIOLELO DIAKI JEHOWA

“Ohomba ɔmɔtshi woleki wele l’anto wahomba kotshama ele wa vɔ mboka anto akina ngandji ndo w’anto mbaoka ngandji. [Adia ɛtɛkɛta wele l’omamu w’osato wele lo lɛkɛ 4.] Ko, onde wɛ ambɛna di’anto wa nshi nyɛ nyangaka dia mbetsha awui akina la ntondo lo dihole dia vɔ mbetsha ngandji? [Tshikande akadimole.] Periodikɛ kɛnɛ mɛnyaka ele ngandji ka shikaa ndo woho wakokaso monga latɔ.” Adia 1 Koreto 13:⁠2.

Réveillez-vous! Ngɔ. ka 7, 8

“Anto efula ndjakiyanyaka lo woho wambofulanɛ awui wa ngala. [Sha ɛnyɛlɔ kɛmɔtshi keyama lo mbilo kanyu, ndo tshikande akadimole.] Periodikɛ kɛnɛ mɛnyaka awui amɔtshi wakonya l’awui wa ngala. Tɔ nembetshiyaka nto woho wayonya Nzambi awui wa diakanelo ndo wa ngala mbala kakɔ ɔtɔi lo pondjo.” Adia Osambu 37:​10, 11.