Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 5, 15

MBEWOYAKA DIOLELO DIAKI JEHOWA

“Onde wɛ atayambolaka dia kana awui wasala anto la nkɛtɛ wekɔ la shɛngiya mɔtshi le Nzambi? [Tshikande akadimole.] Tende woho wakoka ditshelo diaso monga la shɛngiya lo nsaki yele la Nzambi. [Adia Tukedi 27:11.] Periodikɛ kɛnɛ tɛkɛtaka dikambo dia bɛnyɛlɔ dimɔtshi di’anto wakangɛnyangɛnya otema waki Nzambi, ndo tɔ nembetshiyaka woho wakokaso ngɛnyangɛnya otema ande.”

Réveillez-vous! Ngɔ. ka 5, 22

“Siansɛ k’aseka enganga ambosala ehamelo wa diambo efula dia ndɔshana la hemɔ, ko onde wɛ fɔnyaka dia tayokoka mɛna andja wele hemɔ tshɛ yaya bu? [Tshikande akadimole.] Periodikɛ kɛnɛ nembetshiyaka dia lushi lɔmɔtshi onto tshɛ la l’andja ɔnɛ ayonga la demba dia kokele lam’ayokotshama daka nɛ.” Adia Isaya 33:⁠24.

Tshoto y’Etangelo Ngɔ. ka 6, 1

MBEWOYAKA DIOLELO DIAKI JEHOWA

“Anto amɔtshi kanyiyaka ɔnɛ bu ohomba monga l’atei wa tshunda di’ɔtɛmwɛlɔ ɔmɔtshi dia tɛmɔla Nzambi. Onde wɛ atayambolaka dikambo sɔ? [Tshikande akadimole.] Periodikɛ kɛnɛ sɛdingolaka ɛkɔndɔ wa woho wakongaka Nzambi nde l’anto lo tena diakete. Tɔ mɛnyaka nto kɛnɛ kalembetshiya tɛmɔla Nzambi lo mɛtɛ.” Adia Joani 4:⁠24.

Réveillez-vous! Ngɔ. ka 6, 8

“Anto efula ɛlɔ kɛnɛ wekɔ oko ditshike. Dui sɔ nembetshiyaka nto ndjaoka diele oko tambangana l’anto akina. Onde wɛ mbetawɔka dia dui sɔ koka monga kandji efula? [Tshikande akadimole. Oma lâsɔ adia Osambu 25:16.] Réveillez-vous ! ɔnɛ mbishaka alako w’eshika wɛnya woho wa ndɔshana la dionga dia ndjaokaka oko etshike.”