Woho wa Mbisha Anto Periodikɛ
(Numɛlɔ kele bu l’ɔtɛkɛta anyu, ko nyu menda lo Falase)
Tshoto y’Etangelo Ngɔ. ka 6, 15
MBEWOYAKA DIOLELO DIAKI JEHOWA
“Onde wɛ hetawɔ mɛtɛ dia mbetsha ana ekɔ tshondo y’okakatanu ɛlɔ kɛnɛ? [Tshikande akadimole.] Enda eshikikelo kɛnɛ kɛnya di’ambutshi koka tondoya dikambo sɔ. [Adia Tukedi 22:6.] Tshoto y’Etangelo nyɛ mbishaka alako w’eshika dia kimanyiya ambutshi dia tondoya okakatanu ɔsɔ.”
Réveillez-vous! Ngɔ. ka 6, 22
“Amɔtshi fɔnyaka dia mbetawɔ ɔnɛ Nzambi ekɔ hɔtɔnɛ la siansɛ. Onde wɛ mbeyaka dia ekɔ ase siansɛ efula wata dia nshi nyɛ akambo wa siansɛ wekɔ lo sukɛ dietawɔ di’ɔnɛ Otungi ekɔ? [Tshikande akadimole.] Réveillez-vous! ɔnɛ tɛkɛtaka dia ɛkɔkɔ ɛmɔtshi wamboyâtshutshuya dia vɔ koma lo mbuta ngasɔ.” Adia Romo 1:20.
Tshoto y’Etangelo Ngɔ. ka 7, 1
MBEWOYAKA DIOLELO DIAKI JEHOWA
“Lo tena dia mpokoso, anto efula ndjambolaka dia kana Nzambi ndjakiyanyaka dikambo di’anto ndo kana nde mɛnaka pâ yawɔ. Onde wɛ atayambolaka lo kɛnɛ kendana la dikambo sɔ? [Tshikande akadimole.] Periodikɛ kɛnɛ mɛnyaka woho wayakiyanya Nzambi dikambo diaso ɛlɔ kɛnɛ ndo woho wakandɔshi yɛdikɔ ya minya asui tshɛ.” Adia Joani 3:16.
Réveillez-vous! Ngɔ. ka 7, 8
“Le anto efula, nshi y’ɔlɔngɔlɔngɔ la y’osekaseka ekɔ nshi y’ɔngɛnɔngɛnɔ ndo y’ekakatanu, onde wɛ mbetawɔka dikambo sɔ? [Tshikande akadimole.] Periodikɛ kɛnɛ tɛkɛtaka dikambo dia etshikitanu efula wonga l’anto lo nshi yawɔ y’ɛlɔngɔlɔngɔ la y’esekaseka. Tɔ sɛdingolaka nto alako amɔtshi wa lomba wakoka mbakimanyiya dia vɔ mbetɛ nshi yawɔ y’ɔlɔngɔlɔngɔ dimɛna.” Adia Undaki 12:1.