Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 2, 15

MBEWOYAKA DIOLELO DIAKI JEHOWA

“Anto efula wekɔ lo ndjakiyanya l’ɔtɛ w’awui wa kɔlɔ wasalema nshi nyɛ lo lokombo l’ɔtɛmwɛlɔ. Amɔtshi fɔnyaka di’ɔtɛmwɛlɔ mbele lo kiɔkɔ y’ekakatanu walɔshana l’anto. Onde wɛ atayambolaka lo kɛnɛ kendana la dikambo sɔ? [Tshikande akadimole. L’ɔkɔngɔ adia Enyelo 18:24.] Periodikɛ kɛnɛ sɛdingolaka kɛnɛ kata Bible lo dikambo sɔ.”

Réveillez-vous! Ngɔ. ka 2, 22

“Anto efula ngɛnangɛnaka mbeka awui wendana la waa nyama ndo amɔtshi ngɛnangɛnaka mbalonga. [Tshikande ate awui amɔtshi lo dikambo sɔ.] Periodikɛ kɛnɛ tɛkɛtaka di’ekakatanu ɛmɔtshi wendana l’olongelo wa nyama. Tɔ nembetshiyaka nto daka diaki Nzambi diendana l’etena kayonga waa nyama tshɛ la wɔladi lam’asawɔ ndo lam’asawɔ l’anto.” Adia Isaya 11:​6-9.

Tshoto y’Etangelo Ngɔ. ka 3, 1

MBEWOYAKA DIOLELO DIAKI JEHOWA

“Mbala kɛmɔtshi, wakambola Yeso Kristo ɔnɛ: ‘Didjango diakɔna dioleki woke?’ Enda okadimwelo ande. [Adia Mako 12:​29, 30.] Onde wɛ atayambolaka kakɔna kakalange Yeso mbuta lâsɔ? [Tshikande akadimole.] Sawo diele l’ɔtɛ a dui ɔnɛ: ‘Woho Wakokaso Mɛnya Ngandji kaso le Nzambi’ sɛdingolaka kitshimudi y’ɛtɛkɛta wa diambo ɛsɔ.”

Réveillez-vous! Ngɔ. ka 3, 8

“Etena kɛmɔtshi, anto wakonge la wɔma wendana la ta dialɔma la bɔngɛ dia dja. Onde wɛ fɔnyaka di’ata walɔma la bɔngɛ dia dja wekɔ lo ndɔma nshi nyɛ? [Tshikande akadimole.] Periodikɛ kɛnɛ sɛdingolaka ehamelo wasalema nshi nyɛ wendana la so sho tshɛ. Tɔ nembetshiyaka nto daka dia lo Bible diendana l’andja wele anto hawotonga la wɔma nto.” Adia Zefaniya 3:⁠13.