Woho wa mbisha anto periodikɛ

Tshoto y’Etangelo Ngɔ. ka 2, 1

“Lo ndjela kanyi yayɛ, ngande wayonga ase nkumbo naka vɔ kamba la dako nɛ? [Adia Efeso 4:31. Tshikande akadimole.] Sawo nɛ mbishaka alako amɔtshi w’ohomba efula w’oma lo Bible wa woho wa shidiya ewanu ndo wa tetemala monga la ɔngɛnɔngɛnɔ lo diwala.” Tɛkɛta dia sawo diotate lo lɛkɛ 18.

Réveillez-vous! Ngɔ. ka 2

“Anto amɔtshi fɔnyaka dia Nzambi hohɛ oseka munga tshɛ kasalaso. Akina mbutaka dia Nde dimanyiyaka pɛkato tshɛ oyadi ya weke kana ya totshitshɛ. Ko wɛ afɔnyayɛ? [Tshikande akadimole. Oma lâsɔ, adia Etsha 3:19.] Sawo nɛ tɛkɛtaka dia wanya asato wɛnyami lo Bible wahomba onto takola dia Nzambi mbôka kɛtshi.” Tɛkɛta dia sawo diotate lo lɛkɛ 10.

Tshoto y’Etangelo Ngɔ. ka 3, 1

“Dimi nangaka mbeya kanyi yayɛ lo divɛsa dieyama efula nɛ. [Adia Joani 3:16.] Onde wɛ atayambolaka woho akɔna wakoka nyɔi k’onto ɔtɔi kimanyiya anto akina dia vɔ kondja lɔsɛnɔ la pondjo? [Tshikande akadimole.] Periodikɛ kɛnɛ toshaka elembetshiyelo wokɛma hwe ndo wa dimɛna wa woho wakokaso kondja wahɔ oma lo nyɔi kaki Yeso.”

Réveillez-vous! Ngɔ. ka 3

“Onde wɛ fɔnyaka di’ɛtɛmwɛlɔ tshɛ wekɔ amɛna? [Tshikande akadimole.] Tende kɛnɛ kata Bible lo kɛnɛ kendana la ɛtɛmwɛlɔ w’anto amɔtshi. [Adia Mako 7:7.] Ngande wakoka onto mbeya dia kana ɔtɛmwɛlɔ ɔmɔtshi wekɔ lo mbetsha akambo wa mɛtɛ koko aha ‘ɛlɛmbɛ w’anto’? Onde onto kokaka tana akambo wa mɛtɛ wendana la ɔtɛmwɛlɔ? Periodikɛ kɛnɛ kadimola lo ambola asɔ.”