Woho wa mbisha anto periodikɛ

Tshoto y’Etangelo Ngɔ. ka 2, 15

“Anto amɔtshi fɔnyaka di’anto wekɔ lo ndanya nkɛtɛ. Onde wɛ amboyakiyanyaka dia dikambo sɔ? [Tshikande akadimole.] Enda daka diakeketsha nɛ. [Adia Enyelo 11:18.] Periodikɛ kɛnɛ mɛnyaka kɛnɛ katshikitanya okama aso wa nkɛtɛ la planɛtɛ nkina. Tɔ mɛnyaka nto kɛnɛ kata Bible lo kɛnɛ kendana la woho wayonga nkɛtɛ lo nshi yayaye.”

Réveillez-vous! Ngɔ. ka 2

“Onde wɛ fɔnyaka dia l’ɔkɔkɔ ɔnɛ mbambolola efukutanu l’andja ɔnɛ? [Adia 1 Joani 5:19. Oma lâsɔ, tshikande akadimole.] Sawo nɛ mɛnyaka kɛnɛ kata Bible lo dikambo di’onto lelɛwɔ ɔnɛ ‘kanga kɔlɔ’ ndo woho wakokaso mbewɔ shɛngiya yande ya wolo efula.” Tɛkɛta awui wa lo sawo diotate lo lɛkɛ 12.

Tshoto y’Etangelo Ngɔ. ka 3, 1

“Anto efula fɔnyaka dia ɛtɛmwɛlɔ tshɛ konyaka le Nzambi. Onde wɛ fɔnyaka diekɔ ohomba onto sɔna ɔtɛmwɛlɔ? [Tshikande akadimole.] Enda dako nɛ. [Adia 1 Joani 4:⁠1.] Periodikɛ kɛnɛ mɛnyaka woho wakokaso pemba wetshelo dia mɛna naka vɔ ndja oma le Nzambi. Tɔ nembetshiyaka nto woho wakatatɛ ɛtɛmwɛlɔ efula.”

Réveillez-vous! Ngɔ. ka 3

“Lo kanyi yayɛ, naa ekakatanu ɛmɔtshi wahomana la ɛlɔngɔlɔngɔ l’esekaseka ɛlɔ kɛnɛ? [Tshikande akadimole.] Divɛsa nɛ mɛnyaka okakatanu ɔmɔtshi wahomana la wɔ. Okakatanu akɔ ko wa monga la angɛnyi w’ɔlɔlɔ. [Adia Tukedi 13:20.] Periodikɛ kɛnɛ tɛkɛtaka dia wâle wonga la kamba la Ɛtɛrnɛtɛ dia kondja angɛnyi ndo woho wakoka ɛlɔngɔlɔngɔ l’esekaseka kokamɛ oma lo dui sɔ.”