Tɛdikɔ Tatokimanyiya dia Tona Dikila

Apandjudi wambobatizama wakalodia ntondo kartɛ ka “Instructions médicales/attestations prévisionnelles” kana Document d’identité médical yele kema la datɛ lɔkɔ kana yele la datɛ dia 3/99 hawotonga nto l’ohomba wa ndodia kartɛ kekina ɔnɔnyi ɔnɛ. Lo Losanganya l’Olimu la lomingu la Ngɔndɔ ka Dikumi l’Ahende 27, sekeletɛlɛ pombaka monga l’ekanda k’ɔlɔlɔ ka kartɛ shɔ dikambo di’apandjudi weke kabatizama, dikambo di’anawɔ ndo dia wanɛ wahomba ndodia kartɛ kina y’eyoyo lo dihole dia nyɛ yele lawɔ. Hawototomɛ tshumanelo kartɛ shɔ. Naka etshumanelo bu l’ekanda k’ɔlɔlɔ ka kartɛ shɔ, kete sekeletɛlɛ mbeyaka nɔmba tshumanelo diosukanyi lanyu kana nɔmba kartɛ kina lo kɔmandɛ k’ekanda k’etshumanelo ka mbala kayaye.

Pombaka ndodia kartɛ yakɔ dimɛna dimɛna la ngelo koko AHA mbidja sinyatirɛ. Kartɛ shɔ pombaka ndjodjama tosinyatirɛ ndo datɛ lo washo w’ɔmɛnyi l’ekimanyielo k’omendji wa wekelo wa dibuku.

Apandjudi wahatabatizama koka funda awui awɔ hita ndo wendana l’anawɔ ko mbaɔtɔnganyiya l’akambo wofundami lo kartɛ ka “Instructions médicales/attestations prévisionnelles” ndo lo Document d’identité médical.