Ovuswelo wa losanganya l’otshimbedi

Awui anɛ wayɔsɛdingɔma lo Losanganya l’olimu yema tshitshɛ la ntondo ndo yema tshitshɛ l’ɔkɔngɔ wa etshumanelo mbɔtɔ lo losanganya l’otshimbedi l’ɔnɔnyi w’olimu 2006. Omendji walɔmbɔla ayɔlɔngɔsɔla ɔkɛtshanyelo ɔnɛ dia teyi yema la ntondo kɛnɛ kayototama lo losanganya ndo ovuswelo w’awui wayototetshama, oko wɛnyamidiɔ lo Olimu aso wa Diolelo wa Ngɔndɔ k’enanɛi 2004 lɛkɛ 4. Lo etena kasalema ovuswelo, pombaka mboka ambola tshɛ, ndo kotola yambalo y’anto lo woho wakokaso kamba la awui wakatɛkɛtama.

LUSHI LA NTONDO

1. Ngande walɔtaso lonto l’oyoyo, ndo lande na kahombaso lilama?

2. Ngande wakafudia amɔtshi ekambelo kawɔ l’olimu w’esambishelo?

3. Lande na kahombaso mbewɔ dia ndjaɛdika la anto akina?

4. Ngande wakoka ase nkumbo kɛnɛmɔla lonto l’oyoyo lo nkumbo?

5. Ngande wakokaso sukɛ etshumanelo la kɔlamelo tshɛ?

6. Lande na kahombaso kɛnɛmɔla lonto l’oyoyo l’olimu w’esambishelo?

7. Ekanelo ka yimba k’ɔlɔlɔ nembetshiyaka nto na, ndo ɛlɔlɔ akɔna wakondjaso oma lo ekanelo ka yimba ka ngasɔ?

8. Waonga akɔna wayotetɛ wɔdu wɔdu lo anya wa Jehowa?

LUSHI LA HENDE

9. Naa ohomba wa sho kamba la lolemi laso dimɛna?

10. Ɛlɔlɔ akɔna wakondjaso lo kamba la ɛtɛkɛta w’ɛlɔlɔ otsha le asekaso wa l’olimu, wa la kalasa, ndo anto akina?

11. Ngande wakokaso kamba la dako diaki Paulo diele lo Efeso 4:​25-32 lo woho wasɛnaso la asekaso ambetawudi?

12. Yoho yakɔna yoleki dimɛna ya kamba la lolemi laso?

13. Kakɔna kahombaso sala dia nɛndja kanga kɔlɔ?

14. Lo akambo akɔna wahombaso ndjaketembola diaha monga la vadi ya l’andja ɔnɛ?

15. Lande na kahombaso mbetɛka lonto laso la l’etei oyoyo lushi la lushi ndo ngande wakokaso sala dui sɔ?

16. Alako akɔna w’oma lo ekongelo ka losanganya l’otshimbedi l’ɔnɔnyi ɔnɛ wakombolayɛ kamba la wɔ olimu?