Ovuswelo Wa Losanganya L’otshimbedi
Tayokamba l’awui anɛ dia teyi yema la ntondo kɛnɛ kayotama lo losanganya l’otshimbedi l’ɔnɔnyi w’olimu 2005 ndo l’ovuswelo wendana l’awui akɔ. Sawo diata ɔnɛ: “Yɛdikɔ y’Oyoyo Yendana l’Ovuswelo w’Awui Wakatama lo Nsanganya ya Weke,” diele lo lɛkɛ 4 la dikatshi di’okotsha nɛ, nembetshiyaka woho wayosalemaka ovuswelo ɔsɔ. L’etena kasalema ovuswelo, kahanya minitɛ dia wembola tshɛ mimbɔma. Ovuswelo pombaka mɛnya woho wakokaso kamba olimu l’awui wakatetshama.
ETENYI KA LA PINDJU KA LUSHI LA NTONDO
1. Kakɔna kayotokimanyiya dia kondja lomba l’oma le Nzambi?
2. Welo akɔna wakadje anto wa l’otshimbedi aso dia sambisha anto efula lokumu l’ɔlɔlɔ?
ETENYI KA L’ƆKƆNGƆ A MIDI KA LUSHI LA NTONDO
3. Lande na ekɔ ohomba efula dia Akristo tshikala pudipudi lo nyuma? Dui sɔ tɔlɔmbaka dia sho tsha na?
4. Ngande wakokaso mɛnya dia tekɔ lo nsɛna lo wɔladi sho l’anangɛso?
5. Ekanelo k’ɔlɔlɔ kɛdikɛdi na, ndo ngande wakokaso kikɛnɛmɔla lo woho wakambaso la wenya aso?
6. Wetshelo akɔna wakondjaso oma l’ɛnyɛlɔ ka Saulo nde la Nɔa? Lo toho takɔna takokaso mɛnya ɔnɛ tekɔ ‘suke dia kitanyiya’? (Jak. 3:17)
7. Ngande wakoka Akristo ndjalama di’aha nsɛna lɔsɛnɔ la dungi pende?
8. Ngande wakokaso mbokoya ɛnyɛlɔ ka Paulo lo tɛkɛta l’anto dia lomba laki Nzambi?
ETENYI KA LA PINDJU KA LUSHI LA HENDE
9. Lande na kahombaso monga la shɛnɔdi lam’asɔnaso elimu wa kamba, ndo kakɔna kayotokimanyiya dia sho tsha dui sɔ?
10. Naa welo wadja anto wa l’otshimbedi aso dia mbɔtɔka lo nsanganya mbala la mbala, ndo ngande wakawakondja ɛlɔlɔ lo tsha ngasɔ?
11. Ngande wakoka ɛtɛ wa nkumbo keketsha nkumbo yawɔ?
12. Naa ehomba wa l’otshimbedi wakawatewoya?
ETENYI KA L’ƆKƆNGƆ A MIDI KA LUSHI LA HENDE
13. Oko wakatadiɛnyi lo sawo dia lo sɛkɛ, naa elimu w’ɔlɔlɔ wakatakambe diɛsɛ oma lo lomba laki Nzambi?
14. Lande na ekɔ dui di’enginya dia ndjaɛkɛ le so shɔamɛ kana ndjaɛkɛ le anto wahalɔmbwama la lomba l’oma le Nzambi? L’akambo akɔna wahombaso ndjâlama?
15. Lomba l’oma le Nzambi tokokɛka oma lo tolonga takɔna?
16. Lande na kele ekɔ ohomba dia sho kamba olimu l’alako wakawatosha lo losanganya l’otshimbedi?