Woho wa mbisha anto periodikɛ

(Numɛlɔ kele bu l’ɔtɛkɛta anyu, ko nyu menda lo Falasa)

Tshoto y’Etangelo Ngɔ. ka 10, 15

“Anto efula mbɔsaka wetshelo oko sheke ya monga la lɔsɛnɔ la dimɛna. Onde wɛ fɔnyaka dia ekɔ woho ɔmɔtshi wa wetshelo wakoka kimanyiya onto dia nde koma onto l’ɔlɔlɔ efula ndo ndɔshana la ekakatanu wa lo lɔsɛnɔ? [Tshikande akadimole. Oma lâsɔ, adia Romo 12:⁠2.] Periodikɛ kɛnɛ mɛnyaka woho wakokaso kondja wahɔ oma lo wetshelo woleki dimɛna wele nshi nyɛ.”

Réveillez-vous! Ngɔ. ka 10, 22

“Anto efula ngɛnangɛnaka mbadia jurunalɛ mɔtshi suke la lushi tshɛ. Onde wɛ fɔnyaka dia sho koka mbɛkɛ etema lo awui wewoyama lo tojurunalɛ? [Tshikande akadimole.] Numɛlɔ kɛnɛ ka Réveillez-vous! toshaka alako wendana la woho wakokaso kondja wahɔ oma lo wadielo wa tojurunalɛ. Tɔ mɛnyaka nto lande na kahombaso sɛna wolo lo dikambo sɔ.” Adia Tukedi 14:⁠15.

Tshoto y’Etangelo Ngɔ. ka 11, 1

“Anto efula ndjakiyanyaka lo woho wele andja ɔnɛ kema la losembwe. Onde wɛ fɔnyaka dia onto ɔmɔtshi koka mɛtɛ tshikitanya andja ɔnɛ? [Tshikande akadimole.] Periodikɛ kɛnɛ mɛnyaka wekamu wahomana la anto dia tshikitanya andja ɔnɛ. Tɔ mɛnyaka nto onto akɔna ayekola wekamu ɛsɔ ndo woho wayondela andja wele la wɔladi ndo la lotui ntshitshi la mɛtɛ.” Adia Osambu 72:​12-14.

Réveillez-vous! Ngɔ. ka 11, 8

“Lo andja w’otondo, ase ɛngɔnyi wekɔ lo taleke ndjala ɛngɔnyi ndo ase wola wekɔ lo taleke ndjala wola. Onde wɛ fɔnyaka dia dui dimɔtshi koka salema dia nɔngɔsɔla dikambo sɔ? [Tshikande akadimole. Oma lâsɔ adia Mateu 6:​9, 10.] Periodikɛ kɛnɛ mɛnyaka bonde kakokaso mbetawɔ dia Diolelo diaki Nzambi diayonya etshikitanu wele l’atei w’anto ɛlɔ kɛnɛ.”