La Révélation : le grand dénouement est proche!
1 “Untu tshe ladia, ndu wane wuka akambu wahatayi ane, la wakitanyia akambu wambufundama loko, weli la otshoko, ne dia etena k’akambu ako kaya suki.” (Eny. 1:3) Ɛtɛkɛta ɛsɔ mɛnyaka ohomba wa dibuku dia Enyelo, djekoleko le so wanɛ wasɛna l’etena kakashikikɛma dia efula ka prɔfɛsiya ya lɔkɔ kotshama. Ɔnkɔnɛ, tayotatɛ mbeka dibuku La Révélation : le grand dénouement est proche ! lo Wekelo wa dibuku wa lo etshumanelo tatɛ lomingu la Ngɔndɔ ka ntondo 8, 2007.
2 Oma lo mbala k’ekomelo kakateke dibuku Révélation : dénouement lo Wekelo wa dibuku wa lo etshumanelo, awui wa l’andja wambotshikitana lo toho efula. (1 Kor. 7:31) Ndo nto, efula k’anto wambɔtɔ l’ɔnɔngɔ w’anto wasambisha lokumu l’ɔlɔlɔ la Diolelo watakondjaka diaaso dia sɛdingola divɛsa la divɛsa dia dibuku dia Enyelo. Wekelo wa dibuku Révélation : dénouement wayotokimanyiya dia mambalɛ awui wayosalema la ntondo.—Eny. 16:15.
3 Yashikikɛ dia mongaka lawɔ lomingu tshɛ. Awui wa lo dibuku sɔ wayotokimanyiya aha paka dia tetemala sungukala, koko ndo nsango yaki Yeso otsha le tshumanelo esambele yayotokimanyiya dia mbewɔ awui wakoka nanya lonyuma laso ndo kitshakitsha ohetoheto aso l’olimu w’esambishelo.—Eny. 1:11, 19.
4 Lɔngɔsɔlaka wekelo dimɛna: La ntondo ka wekelo wa dibuku tshɛ, adia avɛsa w’oma lo dibuku di’Enyelo wayɔsɛdingɔma. Lembetɛ woho walembetshiya Afundelo avɛsa akɔ. Yanga dia shihodia awui w’ohomba la oyango wa minanda otema ayɛ. (Neh. 8:8, 12) Ɔsa etena ka kana yimba ndo yambola wate: ‘Dui nɛ ambetshadiɔ lo dikambo dia Jehowa ndo lo kɛnɛ kendana la okotshamelo wa sangwelo diande? Ngande wakokami sala awui lo yoho yɔtɔnɛ la sangwelo diande ndo kimanyiya anto akina?’
5 Ɛnɔnyi akumi divwa l’ehende wambeta tatɛ lam’akatatɛ “lushi la Khumadiondjo” lo 1914. (Eny. 1:10) Akambo wa mamba wakatatami lo mukanda wa Enyelo weke la ntondo. Wekelo wa dibuku Révélation : dénouement ayokeketsha otema, yimba ndo mbetawɔ kaso k’ɔnɛ ‘ta dia lushi la woke la Nzambi Kanga-Wolo-Tshɛ’ ndo andja w’oyoyo waya suke.—Eny. 16:14; 21:4, 5.