Woho wa mbisha anto periodikɛ

Tshoto y’Etangelo Ngɔ. ka 6, 15

“Onde wɛ mɛnaka dia ɛlɔ kɛnɛ anto efula sɔnaka dia ndjela paka ɛlɛmbɛ awɔ lo kɛnɛ kendana la ɔlɔlɔ la kɔlɔ? [Tshikande akadimole.] Tekɔ la ɛnyɛlɔ kɛmɔ lanɛ k’alako wahashile nɛmɔ wa lo Bible. [Adia divɛsa dimɔ di’oma lo kiombo ya lo lɛkɛ 6-7.] Periodikɛ kɛnɛ mɛnyaka wahɔ wakondjaso lo kitanyiya ɛlɛmbɛ wa lo Bible wendana la lɔkɛwɔ.”

Réveillez-vous! Ngɔ. ka 6

“Sho tshɛ tekɔ l’ohomba wa falanga dia nsɛna. Onde wɛ fɔnyaka di’onto koka ndjasha tshɛ dia nyanga falanga? [Tshikande akadimole.] Tende kɛnɛ katama lanɛ lo dikambo di’etombelo waya oma lo nyanga ɔngɔnyi. [Adia 1 Timote 6:10.] Periodikɛ kɛnɛ mbishaka alako w’eshika lo woho wa monga la lɔsɛnɔ l’ɔsɛlɛngɛ ndo ngɛnangɛna kânga la falanga yema tshitshɛ.”

Tshoto y’Etangelo Ngɔ. ka 7, 1

“Onde wɛ atayambolaka lande na kahɛnyahɛnyana anto l’ɔtɛ wewɔ bu lokoho ɔtɔi la demba kana wodja ɔtɔi ndo wahawatɛkɛta ɔtɛkɛta ɔtɔi? [Tshikande akadimole.] Enda ɔkɔkɔ woshawɔ lanɛ. [Adia 1 Joani 4:20.] Periodikɛ kɛnɛ kadimolaka lo dimbola nɛ: Onde anto wa waoho tshɛ kokaka monga kâmɛ?”

Réveillez-vous! Ngɔ. ka 7

“Otshikitanyi la nyama yakamba la solo dia lôtɔ, anto wekɔ la dikoka dia sɔna ɛlɛmbɛ walangawɔ kitanyiya. Lende afɔnyayɛ akokaso kondja ɛlɔmbwɛlɔ ka dimɛna? [Tshikande akadimole. Oma lâsɔ, adia Osambu 119:105.] Periodikɛ kɛnɛ nembetshiyaka woho wele ɛlɔmbwɛlɔ ka lo Bible ndeka dɔmbwɛlɔ dikina la fwa.”