Woho wa mbisha anto periodikɛ

Tshoto y’Etangelo Ngɔ. ka 1, 1

“Onde wɛ mbetawɔka kɛnɛ kotami lo divɛsa nɛ? [Adia Jakoba 3:⁠2.] Sawo nɛ mbishaka alako amɔtshi wa shikaa w’oma lo Bible dia tokimanyiya dia mbewɔ dia pomuya ase nkumbo yaso oma l’ɛtɛkɛta aso.” Tɛkɛta dia sawo diotate lo lɛkɛ 10.

Réveillez-vous! Ngɔ. ka 1

“Diwala tshɛ mongaka la ekakatanu. Lende afɔnyayɛ akoka atshukanyi tana alako w’eshika? [Tshikande akadimole.] Tende alako w’eshika anɛ. [Adia Efeso 5:​22, 25.] Sawo nɛ mɛnyaka kɛnɛ kalembetshiya le wadi ndjakitshakitsha l’ɛse k’omɛnde.” Tɛkɛta dia sawo diotate lo lɛkɛ 28.

Tshoto y’Etangelo Ngɔ. ka 2, 1

“Lo menda ekakatanu tshɛ wele laso ɛlɔ kɛnɛ, onde wɛ fɔnyaka dia sho kokaka monga la wɔladi wa mɛtɛ wa lo yimba? [Tshikande akadimole.] Ɔsɛdingwelo wa elongamelo ka lo Bible kendana la nshi yayaye akakimanyiya anto efula dia monga la wɔladi wa mɛtɛ. [Adia divɛsa dimɔtshi lo wanɛ woshilami ɛtɛkɛta awɔ kana akina wele lo sawo diatɛkɛtayɛ.] Periodikɛ kɛnɛ mɛnyaka kɛnɛ kata Bible lo kɛnɛ kendana la oma lɛnɛ akataye, oyango wa lɔsɛnɔ ndo kɛnɛ katokongɛ lo nshi yayaye.”

Réveillez-vous! Ngɔ. ka 2

“Lo menda woho wambofulanɛ awui wa diakanelo, anto efula hawoyoyaoka lo lotui tshitshi. Onde wɛ fɔnyaka dia akambo wayɔlɔngɔswama lushi lɔmɔtshi? [Tshikande akadimole.] Tende kɛnɛ kata prɔfɛsiya kɛmɔtshi ka lo Bible ka diambo. [Adia Osambu 37:10.] Periodikɛ kɛnɛ mɛnyaka kiɔkɔ ya diakatanelo ndo woho wayokandɔma dikambo diakɔ lo ndjela Bible.”