Woho wa mbisha anto periodikɛ

Tshoto y’Etangelo Ngɔ. ka 10, 1

“Waa nomb’ewo mbeyaka ohomba wa ɔkɛndɛ wele la papa lo nkumbo. Oko leyɛ, kakɔna ketɛ onto papa k’ɔlɔlɔ? [Tshikande akadimole.] Yeso akɛnya woho wakokimanyiya ɛnyɛlɔ k’ɔlɔlɔ kaki She. [Adia Joani 5:19.] Sawo nɛ mɛnyaka akambo asamalo woleki ohomba wa lo ɔkɛndɛ wele la papa.” Tɛkɛta dia sawo diotate lo lɛkɛ 18.

Réveillez-vous! Ngɔ. ka 10

“Anto wa lo ɛtɛmwɛlɔ efula wekɔ la tokanyi totshikitanyi lo kɛnɛ kendana la lonto la mɛtɛ laki Nzambi. Ko ngande wakɛnya Ɔnaki Nzambi woho Wende? Tolembete ɛtɛkɛta waki Yeso wele lo Joani 4:24. [Adia.] Lo ndjɛkɛ hiende tsho, sawo nɛ mɛnyaka okadimwelo washa Bible lo dimbola nɛ: “Woho akɔna wele Nzambi?” Tɛkɛta dia sawo diele lo lɛkɛ 24 ndo 25.

Tshoto y’Etangelo Ngɔ. ka 11, 1

“Anto efula wekɔ l’okakatanu dia mbɔtɔnganyiya dietawɔ diawɔ di’ɔnɛ Nzambi ekɔ ngandji la wetshelo w’ɔnɛ anto sowaka pondjo pondjo lo lowenga la dja. Naa kanyi yayɛ lo dikambo sɔ? [Tshikande akadimole.] Bible mbetshaka lo yoho yokɛma hwe dia Nzambi kema kɔlɔ. [Adia Ezekiyele 18:23.] Wɛ ayɔngɛnangɛna mboka kanyi y’Afundelo yɛnyami lo periodikɛ kɛnɛ.”

Réveillez-vous! Ngɔ. ka 11

“Tena efula, anto mbutaka di’onto ambotondoya lɔsɛnɔ naka nde ekɔ la lokumu, l’ɔngɔnyi ndo la wolo. Lo ndjela kanyi yayɛ, tondoya lɔsɛnɔ kɛdikɛdi na? [Tshikande akadimole.] Tolembete kɛnɛ kakonya onto lo tondoya lɔsɛnɔ lo ndjela kanyi ya Bible. [Adia Osambu 1:​1-3.] Sawo nɛ mɛnyaka akambo asamalo wakimanyiya dia tondoya lɔsɛnɔ.” Tɛkɛta dia sawo diotate lo lɛkɛ 6.