Woho wa mbisha anto periodikɛ

Tshoto y’Etangelo Ngɔndɔ ka ntondo 1

“Onde wɛ fɔnyaka dia Nzambi ndjakiyanyaka lo kɛnɛ kendana la woho walanya anto nkɛtɛ? [Tshikande akadimole. Oma lâsɔ adia Enyelo 11:18.] Sawo nɛ mbishaka ɛkɔkɔ w’oma l’Afundelo wɛnya dia sho kokaka mɛna akambo la sso di’ɔlɔlɔ lo kɛnɛ kendana la nshi yayaye y’okama aso wa nkɛtɛ.” Tɛkɛta dia sawo diele lo lɛkɛ 18.

Réveillez-vous ! Ngɔndɔ ka ntondo

“Etena kahomanawɔ l’ekakatanu, anto efula fɔnyaka dia Nzambi mbambowasha dilanya. Onde wɛ atafɔnyaka ngasɔ ndoko lushi? [Tshikande akadimole. Oma lâsɔ adia Jakoba 1:13.] Sawo nɛ nembetshiyaka kiɔkɔ ya mɛtɛ y’ekakatanu aso ndo sho kokaka ndjashikikɛ dia kem’edja atunyi aso wayolanyema.” Tɛkɛta dia sawo diotate lo lɛkɛ 28.

Tshoto y’Etangelo Ngɔndɔ ka hende 1

“Onde wɛ fɔnyaka dia Nzambi mbetawɔka ɛtɛmwɛlɔ tshɛ? [Tshikande akadimole.] Tende kɛnɛ kakate Yeso lo dikambo sɔ. [Adia Mateu 15:8, 9.] Sawo nɛ mɛnyaka dia kana Nzambi mbetawɔka weho tshɛ w’ɛtɛmwɛlɔ kana bu.” Tɛkɛta dia sawo diele lo lɛkɛ 9.

Réveillez-vous ! Ngɔndɔ ka hende

“Ɛngɔ tshɛ kendana la nkɛtɛ mɛnyaka dia tɔ kakatongama dia sukɛ lɔsɛnɔ. Onde wɛ fɔnyaka dia tɔ kakayala oyalayala ko kana wɛ mbetawɔka dia Otungi ɔmɔtshi ekɔ? [Tshikande akadimole.] Anto efula mbetawɔka divɛsa dia lo Bible nɛ. [Adia Osambu 104:24.] Periodikɛ kɛnɛ mɛnyaka tolembetelo t’oma lo siansɛ ndo t’oma lo Afundelo tɛnya ɔnɛ Otungi ekɔ.”