Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka ntondo 1

“Onde wɛ fɔnyaka di’andja ɔnɛ wokonga dihole dia dimɛna naka onto tshɛ ndjela tɔndɔ dia lo Bible nɛ? [Adia Romo 12:18. Oma lâsɔ, tshikande akadimole.] Onde wɛ atayambolaka lande na kele tena dimɔtshi Nzambi aketawɔka di’ase Isariyɛlɛ ndɔ ata? Sawo nɛ mɛnyaka okadimwelo wa dimɛna washa Bible lo dimbola sɔ.” Tɛkɛta dia sawo diotate lo lɛkɛ 13.

Réveillez-vous! Ngɔndɔ ka ntondo

Adia Etsha 17:31a. Oma lâsɔ, ta wate: “Le anto efula, Lushi l’elombwelo ekɔ lushi la wɔma efula. Ngande wɔsayɛ lushi lɔsɔ? [Tshikande akadimole.] Bible mbetshaka dia Lushi l’elombwelo layela ɛtshɔkɔ efula la nkɛtɛ. Sawo nɛ nembetshiyaka dikambo sɔ.” Tɛkɛta dia sawo diotate lo lɛkɛ 10.

Tshoto y’Etangelo Ngɔndɔ ka hende 1

“Anto efula nongamɛka dia ntshɔ otsha l’olongo l’ɔkɔngɔ wa nyɔi kawɔ. Onde ndo wɛ mbele l’elongamelo kɛsɔ? [Tshikande akadimole.] Lo ndjela kɛnɛ kata Bible, tende difuto diayokondja anto w’ɛlɔlɔ efula. [Adia Osambu 37:29.] Periodikɛ kɛnɛ mɛnyaka kɛnɛ kata Bible lo dikambo di’anto wayotshɔ l’olongo ndo dia kɛnɛ kayowotosala lɛkɔ.”

Réveillez-vous! Ngɔndɔ ka hende

“Atshukanyi efula wekɔ lo ndjaka awala ɛlɔ kɛnɛ. Onde wɛ fɔnyaka di’atshukanyi tshɛ kanaka yimba l’etombelo wakoka ndjala etena kɔsawɔ yɛdikɔ ya ndjaka diwala? [Tshikande akadimole. Oma lâsɔ, adia Tukedi 14:15.] Periodikɛ kɛnɛ mɛnyaka akambo anɛi wahomba atshukanyi nsɛdingola etena kayangawɔ ndjaka diwala.”