Woho wa mbisha anto periodikɛ

Tshoto y’Etangelo Ngɔndɔ ka sato 1

“Kokaka monga tshondo y’okakatanu dia sala kɛnɛ kele ɔlɔlɔ etena katotshutshuya anto dia sala kɛnɛ kele kɔlɔ. Lo ndjela kanyi yayɛ, kakɔna kakoka tokimanyiya dia mbewɔ dia nkɔ lo tɔsɛngiya tɔsɔ? [Tshikande akadimole. Oma lâsɔ adia Tukedi 29:25.] Sawo di’ohomba nɛ mɛnyaka ɛkɔkɔ etanu watotshutshuya dia mboka wɔma dia nyangiya Nzambi lo dihole dia anto.” Tɛkɛta dia sawo diotate lo lɛkɛ 12.

Réveillez-vous ! Ngɔndɔ ka sato

“Sho tshɛ ngɛnangɛnaka dia monga la angɛnyi w’eshika. Waonga akɔna walangayɛ dia ɔngɛnyi ayɛ monga la wɔ? [Tshikande akadimole.] Tende kɛnɛ kata Bible lo dikambo sɔ. [Adia Tukedi 17:17.] Sawo nɛ diekɔ la alako wakoka tokimanyiya dia sɔna angɛnyi w’eshika ndo monga ɔngɛnyi w’oshika le anto akina.” Tɛkɛta dia sawo diotate lo lɛkɛ 18.

Tshoto y’Etangelo Ngɔndɔ ka nɛi 1

“Dimi nangaka mbeya kanyi yayɛ lo dikambo diakate Yeso nɛ. [Adia Joani 3:3.] Lo ndjela kanyi yayɛ, alembetshiya mbotɔ nto? [Tshikande akadimole.] Shihodia dimɛna kɛnɛ kakate Yeso lo dikambo sɔ ayonga la shɛngiya lo lɔsɛnɔ laso ndo l’awui walongamɛso lo nshi yayaye. Periodikɛ kɛnɛ nembetshiyaka lande na.”

Réveillez-vous ! Ngɔndɔ ka nɛi

“Mɛnamaka dia ana efula mongaka la ɔkɔmwɛlɔ. Onde wɛ fɔnyaka dia awui waki yoho yotshikitanyi lo nshi y’ambutshi awɔ? [Tshikande akadimole.] Ɔkɔmwɛlɔ w’efula kokaka monga la etombelo wa kɔlɔ. [Adia Undaki 7:7a.] Periodikɛ kɛnɛ mɛnyaka woho wakoka epalanga kimanyiya akɛnda dia vɔ tondoya ɔkɔmwɛlɔ.”