Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka nɛi 1

“Efundelo ɛmɔtshi sɛmaka ɔnɛ Yeso ko mvɔ woho wata Bible ndo vɔ mbutaka ɔnɛ nde akatshuke wadi ndo akote ana. Onde wɛ atokaka dui dia ngasɔ? [Tshikande akadimole.] Ekɔ ohomba sho mbeya kɛnɛ kele mɛtɛ. [Adia Joani 17:3.] Sawo nɛ toshaka ɛkɔkɔ wahombaso ndjaɛkɛ lo kɛnɛ kata Bible lo dikambo dia Yeso.” Tɛkɛta dia sawo diotate lo lɛkɛ 26.

Réveillez-vous! Ngɔndɔ ka nɛi

Adia Osambu 37:9-11. Oma lâsɔ mbolande wate: “Oko le yɛ, ngande wayoyala andja etena kayokotshama daka nɛ? [Tshikande akadimole.] Sawo nɛ tɛkɛtaka dia prɔfɛsiya kakeketsha kɛsɔ ndo nembetshiyaka lande na kɛnaso akambo efula wa kɔlɔ l’andja ɛlɔ kɛnɛ.” Tɛkɛta dia sawo diotate lo lɛkɛ 20.

Tshoto y’Etangelo Ngɔndɔ ka tanu 1

“Onde wɛ atayambolaka lushi lɔmɔtshi lande na katshika Nzambi asui? [Tshikande akadimole.] Tende woho wakayaoke ofundji ɔmɔtshi wa Bible dimbola diayaoka anto efula. [Adia Osambu 10:1.] Periodikɛ kɛnɛ nembetshiyaka kɛnɛ kata Bible lo dikambo di’ɛkɔkɔ watshika Nzambi asui ndo kɛnɛ kasalande dia mbanya.”

Réveillez-vous! Ngɔndɔ ka tanu

“Anto efula kombolaka dia ntshika ɔnwɛlɔ wa mfɔka, koko vɔ wekɔ l’okakatanu dia nsala ngasɔ. Onde wɛ mbeyaka onto ɔmɔtshi lalanga dia ntshika nnɔ mfɔka? [Tshikande akadimole.] Anto amɔtshi wakakimanyiyama oma le angɛnyi awɔ ndo oma le ase nkumbo yawɔ. [Adia Undaki 4:12a.] Periodikɛ kɛnɛ mbishaka alako amɔtshi wa shikaa wakoka nkimanyiya onto dia nde ntshika ɔnwɛlɔ wa mfɔka.”