Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka sato 1

Adia Etumbelu 20:15. Oma lâsɔ ta wate: “Etena kɛnɛ kele anto efula mbidjaka welo dia nkitanyiya didjango nɛ, anto amɔtshi fɔnyaka ɔnɛ mbuva kana toho tɔmɔtshi ta lokeso kokaka mbetawɔma lo tena dioleki wolo. Naa kanyi yayɛ lo dikambo sɔ? [Tshikande akadimole.] Sawo nɛ mɛnyaka ɛlɔlɔ waya lo mongaka nshi tshɛ la losembwe.” Tɛkɛta dia sawo diotate lo lɛkɛ 12.

Réveillez-vous! Ngɔndɔ ka sato

“Anto efula nɛmiyaka Bible koko fɔnyaka dia awui efula wa lɔkɔ waya bu ohomba lo nshi yaso nyɛ. Naa kanyi yayɛ lo dikambo sɔ? [Tshikande akadimole. Oma lâsɔ adia Romo 15:4.] Sawo nɛ nembetshiyaka lande na kele kânga tenyi di’edjedja dia Bible dieke ohomba polo lo nshi yaso nyɛ.” Tɛkɛta dia sawo diotate lo lɛkɛ 28.

Tshoto y’Etangelo Ngɔndɔ ka nɛi 1

“Etena kâlɔmbawɔ dia mbuta onto lakaleke lokumu l’ɔkɔndɔ w’anto, anto efula mbutaka ɔnɛ Yeso. Onde nde mbotoyɔsɔna ndo wɛ lawɔ? [Tshikande akadimole.] Kânga mbele anto la tokanyi totshikitanyi lo dikambo diande, tende woho wakokaso mbeya kanyi yele mɛtɛ. [Adia Joani 17:3.] Numɛlɔ ka lânde ka Tshoto y’Etangelo nyɛ mɛnyaka kɛnɛ kata Bible mɛtɛ lo dikambo dia Yeso ndo dia wetshelo ande.”

Réveillez-vous! Ngɔndɔ ka nɛi

“Ondo mɛnamaka dia sho kema la wenya efula wa sho nsala akambo tshɛ wakombolaso nsala. Onde wɛ mbetawɔka dikambo sɔ? [Tshikande akadimole.] Anto efula wakɛnyi dia dako nɛ diekɔ ohomba efula. [Adia Filipi 1:10.] Periodikɛ kɛnɛ mbishaka alako amɔtshi w’eshika dia tokimanyiya dia sho mbeya nkamba dimɛna la wenya aso.”